اباي وبلىسىنىڭ سىبايلاس جەمقورلىققا قارسى قىزمەتى ءوڭىرلىڭ پوليتسيا دەپارتامەنتىنىڭ كوشى-قون قىزمەتى باسقارماسىنىڭ باسشىسى مەن دەپارتامەنتتىڭ وزگە دە قىزمەتكەرلەرى پارا العانىن اشكەرەلەگەن.
لاۋازىمدى تۇلعا ءوزىنىڭ قىزمەتكەرى ارقىلى اۋداندىق پوليتسيا بولىمشەسىنىڭ قىزمەتكەرىن قالالىق كوشى قون قىزمەتى بولىمىنە اۋىستىرۋعا جاردەمدەسكەنى ءۇشىن 1000 ا ق ش دوللارى كولەمىندە پارا العان.
كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جالعاسىپ جاتىر»، - دەلىنگەن مالىمەتتە.
قىلمىستىق-پروتسەستىك كودەكسىنىڭ 201-بابى العا تارتىلىپ، وزگە اقپارات جاريا ەتىلمەدى.
ەسكە سالايىق، اباي وبلىسى پوليتسيا دەپارتامەنتىنىڭ كوشى-قون قىزمەتى باسقارماسىنىڭ باسشىسى ۇستالعانىن بۇعان دەيىن جازعان بولاتىنبىز.