شىعىس قازاقستان وبلىسىندا العاشقى قار جاۋىپ، قالاارالىق جولداردا كوكتايعاق پايدا بولدى. اۋا رايىنىڭ كۇرت ناشارلاۋىنا بايلانىستى ءبىرقاتار تاسجولدا كولىك قوزعالىسىنا شەكتەۋ ەنگىزىلىپ، جازعى دوڭگەلەكپەن جۇرگەن اۆتوكولىكتەردىڭ جولعا شىعۋىنا تىيىم سالىندى.
اباي وبلىسىندا بۇگىن قولايسىز اۋا رايى كۇتىلەدى. بۇل تۋرالى وبلىستىق توتەنشە جاعدايلار دەپارتامەنتى ەسكەرتتى.
— 21-قازاندا اباي وبلىسىندا جاۋىن-شاشىن (جاڭبىر، قار)، كوكتايعاق كۇتىلەدى. وبلىستىڭ باتىسىندا، سولتۇستىگىندە جاياۋ بۇرقاسىن بولادى، - دەلىنگەن ت ج د حابارلاماسىندا.
ۆەدومستۆونىڭ مالىمەتىنشە، باتىستان، سولتۇستىك-باتىستان سوعاتىن جەلدىڭ ەكپىنى تۇندە وبلىستىڭ باتىسى، سولتۇستىگى مەن ورتالىعىندا 15-20 م/س-قا جەتەدى. كۇندىز وبلىستىڭ سولتۇستىگى، وڭتۇستىگى مەن ورتالىعىندا جەلدىڭ ەكپىنى 24-29 م/س-قا دەيىن كۇشەيۋى مۇمكىن.
سەمەي قالاسىندا جەلدىڭ ەكپىنى 15-20 م/س، كەي ۋاقىتتاردا 25 م/س بولادى دەپ بولجانىپ وتىر.
قازگيدرومەتتىڭ اباي وبلىسى بويىنشا 21-25 قازانعا ارنالعان كونسۋلتاتيۆتىك بولجامىنا سايكەس، بۇگىن ءوڭىردىڭ باسىم بولىگىندە جاڭبىر مەن قار جاۋىپ، كوكتايعاق بولادى. وبلىستىڭ باتىسى، سولتۇستىگى مەن ورتالىعىندا جەلدىڭ ەكپىنى 15-28 م/س-قا جەتەدى. اۋا تەمپەراتۋراسى +2…+7 گرادۋس بولادى.
22-23-قازاندا دا جاۋىن-شاشىن مەن كوكتايعاق كۇتىلەدى. جەلدىڭ ەكپىنى 15-25 م/س-قا دەيىن جەتۋى مۇمكىن. تۇندە اۋا تەمپەراتۋراسى -3…+3، كۇندىز 0…+5 گرادۋس بولادى.
24-قازاندا اباي، جارما، كوكپەكتى، اقسۋات، ءۇرجار جانە ماقانشى اۋداندارىندا ازداعان قار جاۋىپ، كوكتايعاق بولادى. 25-قازاندا جاۋىن-شاشىنسىز اۋا رايى كۇتىلەدى.
سەمەيدە بۇگىن جاڭبىر مەن قار جاۋىپ، جەلدىڭ ەكپىنى 15-20 م/س، كەي ۋاقىتتا 25 م/س بولادى. اۋا تەمپەراتۋراسى +3…+5 گرادۋس شاماسىندا بولادى.
ال شىعىس قازاقستان وبلىسىندا دا اۋا رايى كۇرت وزگەرەدى. قازگيدرومەتتىڭ بولجامىنشا، 21-قازاندا ءوڭىردىڭ باسىم بولىگىندە جاڭبىر، دىمقىل قار جاۋىپ، كوكتايعاق بولادى. وبلىستىڭ شىعىسى مەن تاۋلى اۋداندارىندا قالىڭ قار جاۋىپ، جاياۋ بۇرقاسىن كۇتىلەدى. سولتۇستىكتە، وڭتۇستىكتە جانە ورتالىقتا جەلدىڭ ەكپىنى 15-28 م/س-قا جەتۋى مۇمكىن.
وسكەمەندە كۇندىز جاڭبىر مەن قار جاۋىپ، جەلدىڭ ەكپىنى 15-23 م/س بولادى دەپ بولجانىپ وتىر. اۋا تەمپەراتۋراسى +2…+4 گرادۋس شاماسىندا بولادى.
ەسكە سالساق، بۇعان دەيىن بۇگىن قازاقستاننىڭ قاي جولدارى اشىق، قايسىسى جابىق ەكەندىگى تۋرالى جازعان بولاتىنبىز.