ابۋ-ءدابيدىڭ تاق مۇراگەرى قازاقستانمەن قاي سالالارداعى ىنتىماقتاستىق جانداناتىنىن ايتتى

استانا. KAZINFORM - اقوردادا مەملەكەت باسشىسى قاسىم-جومارت توقايەۆپەن كەڭەيتىلگەن قۇرامداعى كەلىسسوز بارىسىندا ابۋ- ءدابيدىڭ تاق مۇراگەرى شەيح حالەد بەن مۇحاممەد بەن زايد ءال- ناحايان قازاقستانمەن قاي سالالارداعى ىنتىماقتاستىق جانداناتىنىن ايتتى.

- پرەزيدەنت مىرزا، مەن ءۇشىن بۇگىن استانادا بولۋ ۇلكەن مارتەبە. ارينە، مەن  ب ا ءا پرەزيدەنتى مۇحاممەد بەن زايد ءال ناحاياننىڭ ريزاشىلىعىن بىلدىرگىم كەلەدى. قازاقستان ءبىزدىڭ اۋماعىمىزدا ەلەۋلى ۇلەسى بار ەل ەكەنىن اتاپ وتكىم كەلەدى. ءسىزدى وتان قورعاۋشى كۇنىمەن جانە جەڭىس كۇنىمەن قۇتتىقتايمىن. بۇل وقيعالار، ارينە، قازاقستان حالقىنىڭ بويىندا سول ءبىر كۇشتى بىلدىرەدى جانە ءبىز دە ارداگەرلەرىڭىزگە العىس بىلدىرگىمىز كەلەدى. ب ا ءا مەن قازاقستان ءوزارا ىنتىماقتاستىق پەن قۇرمەتكە، سونداي-اق ودان ءارى ىلگەرىلەۋگە بەيىلدىلىك تانىتادى، - دەدى مارتەبەلى مەيمان.

ابۋ- ءدابيدىڭ تاق مۇراگەرىنىڭ ايتۋىنشا، سوڭعى جىلدارى ەكى ەل اراسىنداعى ىنتىماقتاستىق ارتىپ، ءتۇرلى قورلار مەن ينۆەستيتسيالاردى كەڭەيتە تۇسۋدە. ىنتىماقتاستىق ەنەرگەتيكا، كولىك، لوگيستيكا، سيفرلىق ينفراقۇرىلىم، سونداي-اق باسقا دا سالالاردا جول قويىلعان. الداعى ۋاقىتتا ءباا ينۆەستيتسيا ەسەبىنەن جامبىل وبلىسىندا جەل ەنەرگياسى ستانساسى سالىنادى.

- ءبىزدىڭ سەرىكتەستىگىمىز سيفرلىق ترانسفورماتسيادا جاساندى ينتەللەكت، سۋپەركومپيۋتەرلەر سونداي-اق اقىلدى قالالار بويىنشا قىزمەتتەردى دامىتۋدا جاڭا ىنتىماقتاستىقپەن ىلگەرىلەيتىن بولادى. جاڭا تەحنولوگيانى قارجىلاندىرۋدا ءبىز ستراتەگيالىق سالالاردا، ونىڭ ىشىندە جاڭا نارىقتاردى كاپيتالداندىرۋدا، سونداي- اق جاڭا اسپەكتىلەردى جوبالاۋدا جۇمىستى جالعاستىراتىنىمىزدى اتاپ وتكىمىز كەلەدى، - دەدى حالەد بەن مۇحاممەد بەن زايد ءال-ناحايان.

قاسىم-جومارت توقايەۆ بۇگىن اقوردادا ابۋ- ءدابيدىڭ تاق مۇراگەرىن قارسى الدى.