گاۆاي جانارتاۋلارى ۇلتتىق ساياباعىندا ورنالاسقان بيىكتىگى 27 مەترلىك تاس اركا تۋريستەردىڭ سۋرەتكە تۇسەتىن سۇيىكتى ورنى ەدى، دەپ حابارلايدى Kazinform Bild باسىلىمىنا سىلتەمە جاساپ.
اركانىڭ ءدال قاشان وپىرىلعانى بەلگىسىز. 23-قىركۇيەكتە امان تۇرعان، ءبىراق 27 قىركۇيەكتىڭ كەشىنە قاراي ونى ىزدەپ بارعاندار ورنىن سيپاپ قالدى. نولو تروپيكالىق داۋىلى ايداپ اكەلگەن نوسەر مەن بيىك تولقىندار تابيعي ەسكەرتكىشتى قيراتىپ كەتكەن بولۋى مۇمكىن.
دەگەنمەن، اركانىڭ وپىرىلۋى توسىن بولعان جوق. ونىڭ اينالاسىنداعى جاعالاۋ جارتاستارى جىلدار بويى تولقىندار مەن جەلدىڭ اسەرىنەن ەروزياعا ۇشىراعان. 2018 -جىلى كيلاۋەا جانارتاۋى اتقىلاۋىنان تۋىنداعان جەر سىلكىنىستەرى دە قاتتى اسەر ەتكەن. جەرگىلىكتى بيلىك وپىرىلۋ قاۋپى بارىن ەسكەرىپ، 2020-جىلى تاماشالاۋ الاڭىن جاۋىپ قويعان.
گاۆاي جانارتاۋلارى ۇلتتىق ساياباعى تۋريستەردى وپىرىلعان تابيعات ەسكەرتكىشىنە جاقىنداماۋعا شاقىرادى.
اركانىڭ ءوزى شامامەن 550 جىل بۇرىن ەجەلگى قاتىپ قالعان لاۆانىڭ ءبىر بولىگى ەروزياعا ۇشىراۋى ناتيجەسىندە پايدا بولعان. ۇلتتىق ساياباق قىزمەتىنىڭ مالىمدەۋىنشە، مۇنداي تۇزىلىمدەر ۋاقىتشا قۇبىلىس بولىپ كەلەدى، ولاردىڭ كەيبىرى قيراپ، ورنىنا باسقا تۇزىلىمدەر پايدا بولۋى مۇمكىن.
ەسكە سالا كەتەيىك، گاۆاييدەگى كيلاۋەا جانارتاۋىنان قايتادان رەكوردتىق دەڭگەيدە لاۆا فونتاندارى اتقىلاعان.
تامىز ايىندا «لالا» داۋىلى گاۆايگە زور شىعىن اكەلگەن.