- بۇگىندە جەرگىلىكتى اتقارۋشى ورگانداردىڭ اقپاراتى بويىنشا ەلىمىزدە 61367 كوپپاتەرلى تۇرعىن ءۇي (بۇدان ءارى-ك پ ت ۇ) بار. ونىڭ ىشىندە 1037 اپاتتى جانە 3369 توزىعى جەتكەن ءۇي تىركەلگەن. 14673 كوپپاتەرلى تۇرعىن ءۇي كۇردەلى جوندەۋدى قاجەت ەتەدى، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.
بۇل تۇرعىدا اپاتاتتى ۇيلەردىڭ كوبى استانادا (158) جانە اتىراۋ (201) مەن باتىس قازاقستان (73) وبلىستارىندا تىركەلگەن.
ايتا كەتەيىك، قازاقستاندا جالعىز باسپاناسى اپاتتى دەپ تانىلعان ازاماتتارعا تۇرعىن ءۇي بولۋگە قاتىستى وزگەرىس ەنگىزىلدى. ەندى جەرگىلىكتى بيۋجەت ەسەبىنەن سالىنعان نەمەسە ساتىپ الىنعان باسپانانى ولارعا ءبولۋ ماسەلەسىن اكىمدىكتەر قارايدى.
بۇعان دەيىن جالعىز باسپاناسى اپاتتى دەپ تانىلعان ازاماتتاردى باسپانامەن قامتۋ ءىسى «وتباسى بانكى» ارقىلى جۇرگىزىلەتىن.
ەسكە سالايىق، بۇعان دەيىن اپاتتى تۇرعىن ۇيلەردى رەنوۆاتسيالاۋعا جاڭا كەپىلدىك تەتىگى ەنگىزىلگەنى حابارلاندى.