اپاتقا ۇشىراعان ۇشاق بورتىندا قاي ەلدىڭ ازاماتتارى بولعان

استانا. قازاقپارات  - Air India ۇشاعى احمەداباد اۋەجايىنان ۇشىپ شىققاننان كەيىن كوپ ۇزاماي اپاتقا ۇشىرادى. بورتتا 242 جولاۋشى مەن ەكيپاج مۇشەلەرى بولعان، دەپ حابارلايدى Kazinform ءتىلىشىسى.

- احمادابادتان 13:38- دە كوتەرىلگەن Boeing 787-8 ۇشاعىنىڭ بورتىندا 242 جولاۋشى مەن ەكيپاج مۇشەلەرى بولعان. ولاردىڭ 169-ى ءۇندىستان ازاماتى، 53- ءى ۇلى بريتانيا ازاماتى، بىرەۋى كانادا ازاماتى جانە جەتەۋى پورتۋگاليا ازاماتى بولدى، دەپ حابارلادى Air India X الەۋمەتتىك مەديا پلاتفورماسىندا.

مالىمدەمەگە سايكەس، زارداپ شەككەندەر جاقىن ماڭداعى اۋرۋحانالارعا جەتكىزىلىپ جاتىر.

ايتا كەتەيىك، لوندونعا بەت العان ۇشاق مەگاني اۋدانىندا اپاتقا ۇشىراپ، وقيعا ورنىندا ۇلكەن قارا ءتۇتىن پايدا بولدى.

بۇعان دەيىن اپاتقا ۇشىراعان Air India ۇشاعى دارىگەرلەرگە ارنالعان جاتاقحانا عيماراتىنا قۇلاعانىن حابارلاعان ەدىك.

اۆتور

ەركەجان سماعۇلوۆا