نۇرسايا ىقشام اۋدانىندا پاترۋلدەۋ كەزىندە پاترۋلدىك پوليتسيا باتالونىنىڭ قىزمەتكەرلەرىنە ءبىر توپ وقۋشى جاقىنداپ، كوشەدەن 300 مىڭ تەڭگەگە جۋىق اقشاسى بار ءاميان تاۋىپ العانىن ايتقان. بالالار تابىلعان قاراجاتتى زاڭدى يەسىنە قايتارۋ ماقساتىندا پوليتسياعا جۇگىنگەن.
پوليتسەيلەر جەدەل تۇردە ءاميان يەسىن انىقتاپ، جوعالعان اقشانى يەسىنە تابىستادى.
- ادالدىق جاسقا قارامايدى. وسىنداي كىشكەنتاي جۇرەكتەردەن باستاۋ الاتىن ۇلكەن جاقسىلىق قوعامعا ىزگىلىك ۇيالاتادى. ال ادالدىقتى بارىنەن بيىك قويعان جاس ۇرپاقتىڭ ءاربىر ونەگەلى ءىسى - ەل ەرتەڭىنە دەگەن سەنىمنىڭ جارقىن كورىنىسى! - دەلىنگەن ءى ءى م حابارلاماسىندا.
بۇعان دەيىن ەڭبەك پەن ادالدىقتى دارىپتەگەن ناقىل سوزدەر جيناعى جارىق كورگەنىن جازعان ەدىك.