اۋا رايىنا بايلانىستى جامبىل، قوستاناي جانە اقمولا وبلىستارىنداعى جولدار جابىلدى

استانا. KAZINFORM - قازاۆتوجول ەلىمىزدەگى كەيبىر جولداردا كولىك قوزعالىسىنا شەكتەۋ قويىلعانىن مالىمدەدى.

دەرەككە قاراعاندا، اۋا رايىنىڭ بۇزىلۋىنا بايلانىستى كەلەسى رەسپۋبليكالىق اۆتوجولداردا كولىك قوزعالىسىنا شەكتەۋ قويۋ جوسپارلانۋدا:

- 2024 -جىلعى 6-قاراشادا ساعات 18:00-دە جامبىل وبلىسىندا رەسپۋبليكالىق ماڭىزى بار ا-2 «الماتى- تاشكەنت- تەرمەز» اۆتوجولىنىڭ 534-593 شاقىرىم ارالىعىندا (ايشا ءبيبى اۋىلىنان تۇركىستان وبلىسىنىڭ شەكاراسىنا دەيىن) جۇك كولىكتەرىنىڭ قوزعالىسىنا؛

- 2024 -جىلعى 6-قاراشادا ساعات 19:00-دە قوستاناي وبلىسىندا رەسپۋبليكالىق ماڭىزى بار ا-16 «جەزقازعان- پەتروپاۆل» اۆتوجولىنىڭ 339-377 شاقىرىم ارالىعىندا (ارقالىق قالاسىنان اقمولا وبلىسىنىڭ شەكاراسىنا دەيىن) كولىكتىڭ بارلىق ءتۇرىنىڭ قوزعالىسىنا؛

- 2024 -جىلعى 6 -قاراشادا ساعات 19:00-دە اقمولا وبلىسىندا رەسپۋبليكالىق ماڭىزى بار ا-16 «جەزقازعان- پەتروپاۆل» اۆتوجولىنىڭ 377-440 شاقىرىم ارالىعىندا (قوستاناي وبلىسىنىڭ شەكاراسىنان دەرجاۆينسك قالاسىنا دەيىن) كولىكتىڭ بارلىق ءتۇرىنىڭ قوزعالىسىنا.

اۆتور

اسحات رايقۇل