اۋا رايىنا بايلانىستى استاناداعى بۇگىنگى وتشاشۋ ەرتەرەك باستالادى

وسىلايشا وتشاشۋدى ىسكە قوسۋدىڭ بولجامدى ۋاقىتى - 21:30 دان 22:30 عا دەيىن.

«قالا تۇرعىندارى مەن قوناقتارىنان مارشرۋتىن الدىن الا جوسپارلاۋىن سۇرايمىز» دەيدى اكىمدىكتەن.

تەحنيكالىق دايىندىق ماقساتىندا 3-شىلدە ساعات 19:00 دەن باستاپ بوتانيكالىق باق اۋماعى ءىشىنارا جابىلادى.

بۇل قورشاۋ ازاماتتاردىڭ قاۋىپسىزدىگى ءۇشىن قاجەت.

وتشاشۋدى ىرگەلەس اۋماقتاردان، سونىڭ ىشىندە «ۇلىتاۋ» سكۆەرىنەن تاماشالاۋعا بولادى.

وتشاشۋ جەكە دەمەۋشىلىك قاراجات ەسەبىنەن ۇيىمداستىرىلعان.

ەستەرىڭىزگە سالا كەتەيىك، 6-شىلدە كۇنى ساعات 18:00 دە ەكسپو اۋماعىندا Open Air مەرەكەلىك كونسەرتى وتەدى.

كونسەرت اياقتالعاننان كەيىن درونداردىڭ جارىق شوۋىن وتكىزۋ جوسپارلانىپ وتىر.

دروندار شوۋىنىڭ شامامەن وتەتىن ۋاقىتى - ساعات 22:15 (22:30).