اۋا رايىنا بايلانىستى 4 وبلىستا جول قوزعالىسىنا شەكتەۋ قويىلدى

استانا. قازاقپارات  - 2- ناۋرىز كۇنى ساعات 19:00-دەگى جاعداي بويىنشا اۋا رايىنىڭ بۇزىلۋىنا بايلانىستى ءتورت وبلىستاعى رەسپۋبليكالىق ماڭىزى بار اۆتوموبيل جولدارىندا كولىك قوزعالىسىنا ۋاقىتشا شەكتەۋ ەنگىزىلدى.

اقمولا وبلىسى
- «كوكشەتاۋ - اتباسار» اۆتوجولىنىڭ 105-184 شاقىرىم ارالىعى (بالكاشين اۋىلى - اتباسار قالاسى).

جەتىسۋ وبلىسى
- «ءۇشارال - دوستىق» اۆتوجولىنىڭ 84-164 شاقىرىم ارالىعى (كوكتۇما اۋىلى - دوستىق ستانسياسى).

اباي وبلىسى
- «الماتى - تالدىقورعان - وسكەمەن - شەمونايحا - ر ف شەكاراسى» اۆتوجولىنىڭ 778-1013 شاقىرىم ارالىعى (اياگوز قالاسى - شىعىس قازاقستان وبلىسى شەكاراسى).

شىعىس قازاقستان وبلىسى
- «الماتى - تالدىقورعان - وسكەمەن - شەمونايحا - ر ف شەكاراسى» اۆتوجولىنىڭ 1013-1062 شاقىرىم ارالىعى (اباي وبلىسى شەكاراسى - رۋبەج بەكەتى).

اتالعان ۋچاسكەلەردە كولىكتىڭ بارلىق تۇرلەرى ءۇشىن قوزعالىس شەكتەلدى. جولداردى 3 -ناۋرىز كۇنى ساعات 09:00-دە اشۋ جوسپارلانىپ وتىر.

قازىرگى ۋاقىتتا رەسپۋبليكالىق جولداردى كۇتىپ-ۇستاۋ جۇمىستارىنا 854 ارنايى تەحنيكا جۇمىلدىرىلعان.

قوسىمشا اقپاراتتى تاۋلىك بويى 1403 بايلانىس ورتالىعىنا حابارلاسىپ بىلۋگە بولادى.

ايتا كەتەيىك، بۇعان دەيىن اقمولا وبلىسىندا «كوكشەتاۋ -اتباسار» جولى ۋاقىتشا جابىلادى.