اۋا رايى كۇرت وزگەرەدى: سينوپتيكتەر الداعى ءۇش كۇنگە بولجام جاسادى

سينوپتيكتەردىڭ بولجامىنشا، 6-8 قازان ارالىعىندا اتموسفەرالىق فرونتتاردىڭ اسەرىنەن ەلىمىزدىڭ باسىم بولىگىندە اۋا رايى تۇراقسىز بولىپ، جاۋىن-شاشىن تۇسەدى.

ەلدىڭ سولتۇستىك-باتىسىندا، سولتۇستىگىندە جانە شىعىسىندا قار ارالاس جاڭبىر جاۋىپ، كوكتايعاق، بۇرقاسىن مەن ەكپىندى جەل سوعادى دەپ بولجانعان. سونداي-اق رەسپۋبليكا بويىنشا كەي جەرلەردە جەل كۇشەيىپ، تۇندە جانە تاڭەرتەڭ تۇمان تۇسەدى.

باتىس وڭىرلەردە اۋا تەمپەراتۋراسى تۇندە 2.. . 12°c، كۇندىز 17.. . 22°c شاماسىندا جىلى بولادى.

سولتۇستىك-باتىس جانە سولتۇستىكتە تۇنگى اۋا تەمپەراتۋراسى -1.. .-6°c تان 3.. . 13°c- قا دەيىن، كۇندىز 0.. . 5°c- تان 5.. . 20°c- قا دەيىن كوتەرىلەدى.

شىعىس پەن ورتالىقتا تۇندە نەگىزىنەن 0.. . 7°c، كۇندىز 2.. . 15°c جىلى بولادى.

وڭتۇستىك جانە وڭتۇستىك- شىعىستا تۇندە 2.. . 8°c- تان 5.. . 10°c قا دەيىن جوعارىلايدى (تاۋلى ايماقتاردا 1-3°c ايازدان 0.. . 5°c- قا دەيىن وزگەرەدى) . كۇندىز اۋا تەمپەراتۋراسى 12.. . 17°c تان 17.. . 22°c قا دەيىن كوتەرىلسە، تاۋلى اۋدانداردا 4.. . 9°c تان 9.. . 14°c قا دەيىن جەتەدى.

ايتا كەتەيىك، سينوپتيكتەر قازان ايىندا ەلىمىزدە اۋا رايى جىلى ءارى جاۋىن-شاشىن مولشەرى ورتاشا بولاتىنىن بولجادى.