ادام قايتىس بولعاندا نەسيەسى كىمگە وتەتىنى بەلگىلى بولدى

ءبىراق بەرەشەك بالالارىنا نەمەسە باسقا تۋىستارىنا دا بىردەن جۇكتەلمەيدى.

قازاقستاننىڭ ازاماتتىق كودەكسىنە سايكەس، مارقۇمنىڭ قارىزى مۇرا قۇرامىنا كىرەدى. مۇرانى قابىلداعان ادام قارىز بويىنشا وزىنە وتكەن مۇلىكتىڭ قۇنى شەگىندە عانا جاۋاپ بەرەدى.

مىسالى، مۇراگەرگە 5 ميلليون تەڭگەنىڭ مۇلكى، ال مارقۇمنان 8 ميلليون تەڭگە نەسيە قالسا، مۇراگەردەن قالعان 3 ميلليون تەڭگەنى جەكە قاراجاتىنان وتەۋدى تالاپ ەتۋگە بولمايدى.

ال مۇرادان باس تارتقان ادام مارقۇمنىڭ قارىزىن دا قابىلدامايدى.

ەگەر نەسيە ساقتاندىرىلعان بولسا جانە قارىز الۋشىنىڭ قايتىس بولۋى ساقتاندىرۋ جاعدايىنا جاتسا، بەرەشەكتى ساقتاندىرۋ كومپانياسى وتەۋى مۇمكىن. ول ءۇشىن ساقتاندىرۋ شارتىنىڭ تالاپتارىن تەكسەرۋ قاجەت.

سوندىقتان نەسيەسى بار ادام قايتىس بولعان جاعدايدا الدىمەن نوتاريۋس ارقىلى مۇرا مەن مىندەتتەمەلەردى انىقتاپ، بانككە جانە ساقتاندىرۋ كومپانياسىنا حابارلاسقان ءجون.