ا ە س رەفەرەندۋمى تۋرالى پرەزيدەنت جارلىعىنىڭ جوباسى ۇكىمەت قاراۋىنا جىبەرىلدى
استانا. KAZINFORM - قازاقستاندا ا ە س سالۋ ماسەلەسىنە ارنالعان رەسپۋبليكالىق رەفەرەندۋم تۋرالى پرەزيدەنت جارلىعىنىڭ جوباسى ۇكىمەت قاراۋىنا جىبەرىلدى.
«جوعارىدا ايتىلعانداردى ەسكەرە وتىرىپ، قازاقستاندا ا ە س سالۋ ماسەلەسى بويىنشا رەسپۋبليكالىق رەفەرەندۋمعا باستاماشىلىق جاساۋ جانە رەسپۋبليكالىق رەفەرەندۋمدى وتكىزۋ تۋرالى ق ر پرەزيدەنتى جارلىعىنىڭ جوباسىن ق ر پرەزيدەنتىنىڭ قاراۋىنا ەنگىزۋ تۋرالى ۇكىمەت قاۋلىسىنىڭ جوباسىن قاراۋعا شىعارۋدى ۇسىنامىن»، - دەدى مينيستر.
ال، پرەمەر-مينيستر ولجاس بەكتەنوۆ اتوم ەنەرگەتيكاسى سياقتى بىرەگەي قۋات كوزىنەن قازاقستان تىس قالا المايتىنىن ايتا كەلىپ، ۇكىمەت مۇشەلەرىن قاۋلى جوباسىنا داۋىس بەرۋگە شاقىردى.
«ءبىزدىڭ ەلىمىز سياقتى ەڭ كوپ ەنەرگيا پايدالاناتىن ەكونوميكانى دامىتۋعا ءدال وسى اتوم ەنەرگەتيكاسى نەگىز بولىپ، حالىقتىڭ تۇرمىس دەڭگەيىن ودان ءارى ارتتىرۋعا مۇمكىندىك بەرۋگە ءتيىس. الەمدىك تاجىريبە كورسەتىپ وتىرعانداي، اتوم ەنەرگەتيكاسى ەكونوميكانىڭ كوپتەگەن سالاسىندا يننوۆاتسيالاردى قولدانۋعا ىنتالاندىرادى. ءارى وتاندىق ونەركاسىپتىڭ دامۋىنا دا ۇلكەن سەرپىن بەرەدى. سوندىقتان ءبىز وزىمىزدە بالاماسى جوق تۇراقتى جانە سەنىمدى ەنەرگيا كوزىنەن تىس قالا المايمىز. وسىعان بايلانىستى ۇسىنىلعان ۇكىمەت قاۋلىسىنىڭ جوباسىنا داۋىس بەرۋدى ۇسىنامىن»، - دەدى ولجاس بەكتەنوۆ.
ۇكىمەت مۇشەلەرىنىڭ داۋىس بەرۋى ناتيجەسىندە قاۋلى قابىلداندى.
اۆتور
ەسىمجان ناقتىباي