سۋ شارۋاشىلىعى قۇرىلىستارىن دامىتۋ دەپارتامەنتىنىڭ ديرەكتورى ساعي ۇتەلوۆ بالقاش ماڭىنداعى ەلدى مەكەندەردى اۋىزسۋمەن قامتۋ جەر استىنداعى سۋ كوزدەرى ارقىلى جۇرگىزىلەتىنىن ايتتى.
- بالقاش كولى ماڭىنداعى ەلدى مەكەندەر اۋىزسۋدى جەراستى كوزدەرىنەن الادى. ال ا ە س- ءتىڭ سۋ قاجەتتىلىگى جەر ۇستىندە، ياعني بالقاش كولىنەن قامتاماسىز ەتىلەدى. ياعني، ستانتسيا ءۇشىن كولدەن سۋ الۋ جوسپارلانىپ وتىر، - دەدى س. ۇتەلوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە، دەپارتامەنت باسشىسى بالقاش كولىنىڭ نەگىزگى قورەكتەندىرۋشى كوزى سانالاتىن ىلە وزەنىنىڭ ارناسى تازارتىلىپ جاتقانىن اتاپ ءوتتى.
ونىڭ ايتۋىنشا، قازىر بالقاش ماڭىنداعى تۇرعىنداردى اۋىزسۋمەن قامتاماسىز ەتۋگە قاتىستى قاۋىپ جوق.
ايتا كەتەيىك، مەملەكەت باسشىسى قاسىم-جومارت توقايەۆ كەلەر جىلى «بالقاش» اتوم ەلەكتر ستانسياسىنىڭ قۇرىلىسىن باستاۋدى ۇسىنعان ەدى.
بالقاش ماڭىندا سالىناتىن العاشقى اتوم ەلەكتر ستانسياسىنىڭ قۇرىلىسى رەسەيلىك «روساتوم» كونسورتسيۋمىمەن بىرلەسىپ جۇزەگە اسىرىلادى.