ا ە س بويىنشا رەفەرەندۋم بيۋللەتەنىندە قانداي ساۋال بولادى

استانا. KAZINFORM - ورتالىق سايلاۋ كوميسسياسىنىڭ مۇشەسى سابيلا مۇستافينا بيۋللەتەندە ءبىر عانا سۇراق بولاتىنىن ناقتىلادى.

ونىڭ ايتۋىنشا، وندا «ءسىز قازاقستاندا اتوم ەلەكتر ستانتسياسىنىڭ قۇرىلىسىمەن كەلىسەسىز بە؟» دەگەن باستى ساۋال قويىلادى. قازاقستاندىقتار ءۇشىن جاۋاپتىڭ ەكى نۇسقاسى قولجەتىمدى بولادى: «ءيا، كەلىسەمىن» جانە «جوق، كەلىسپەيمىن».

بيۋللەتەندەر ەكى تىلدە - قازاق جانە ورىس تىلدەرىندە باسىلادى. ولار ۋچاسكەلىك كوميسسيالارعا داۋىس بەرۋدەن كەمىندە ءۇش كۇن بۇرىن جانە ءبىر كۇننەن كەشىكتىرىلمەي جەتكىزىلەدى.

«وفسەتتىك باسىپ شىعارۋ، ءتۇس، قارىپ جانە باسقا ەلەمەنتتەر سياقتى قورعاۋدىڭ پوليگرافيالىق ادىستەرىن كوزدەيتىن داۋىس بەرۋ بيۋللەتەنىنىڭ قورعالۋ دارەجەسى بەلگىلەنەدى. قورعاۋ دارەجەسى تۋرالى قاۋلىعا قوسىمشادا «قىزمەتتىك پايدالانۋعا ارنالعان» دەگەن بەلگى بار»، - دەپ اتاپ ءوتتى س. مۇستافينا.

ايتا كەتەيىك، بۇعان دەيىن ق ر باس پروكۋرورىنىڭ ورىنباسارى جاندوس ومىراليەۆ «پروكۋراتۋرا تۋرالى» قازاقستان رەسپۋبليكاسى كونستيتۋتسيالىق زاڭىنىڭ 40-بابىنا سايكەس قازاقستاندا اتوم ەلەكتر ستانساسىن سالۋ جونىندەگى رەفەرەندۋمعا قاتىستى ۇندەۋ جاريالاعان بولاتىن.