ا ق ش يزرايلدىڭ يراننىڭ يادرولىق نىساندارىنا سوققى بەرۋىنە قارسى - بايدەن

استانا. KAZINFORM – ا ق ش پەن يزرايل يراننىڭ زىمىراندىق شابۋىلىنا جاۋاپ بەرۋ ماسەلەسى بويىنشا كونسۋلتاتسيالار وتكىزدى.

بۇل رەتتە ا ق ش يرانعا قارسى «ۇلكەن جەتىلىك» ەلدەرىمەن بىرلەسىپ ەنگىزۋ جوسپارلانعان جاڭا سانكتسيالارعا نازار اۋدارا وتىرىپ، يراننىڭ يادرولىق نىساندارىنا شابۋىل جاساۋدى جوققا شىعاردى.

ا ق ش پرەزيدەنتى دجو بايدەن ءيزرايلدىڭ جاۋاپ رەتىندە يراننىڭ يادرولىق باعدارلاماسىنا قارسى سوققى بەرۋىن قولدامايتىنىن مالىمدەدى.

«جاۋاپ - جوق»، - دەدى بايدەن تىلشىلەرگە بۇل پەرسپەكتيۆانى قولداۋ- قولداماۋ تۋرالى سۇراققا.

بايدەننىڭ مالىمدەۋىنشە، يزرايلدىڭ يران زىمىراندىق شابۋىلىنا جاۋاپ بەرۋگە قۇقىعى بار، ءبىراق ول مۇنى پروپورتسيونالدى تۇردە جاساۋى كەرەك. ول ا ق ش- تىڭ بۇل شابۋىلعا بايلانىستى يرانعا قارسى جاڭا سانكتسيالار سالاتىنىن ايتتى.

ا ق ش پرەزيدەنتى بۇگىن G7 ەلدەرىنىڭ باسشىلارىمەن تەلەفون ارقىلى سويلەسىپ، ولارمەن يراننىڭ يزرايلگە زىمىراندىق شابۋىلىنان كەيىن وعان قارسى جاڭا سانكتسيالار ەنگىزۋدى ۇيلەستىردى، دەپ حابارلادى اق ءۇي.

«بايدەن مەن G7 يراننىڭ يزرايلگە جاساعان شابۋىلىن ءسوزسىز ايىپتادى. پرەزيدەنت بايدەن قۇراما شتاتتاردىڭ يزرايل مەن ونىڭ حالقىنا ىنتىماقتاستىعى مەن قولداۋىن ءبىلدىردى جانە قۇراما شتاتتاردىڭ ءيزرايلدىڭ قاۋىپسىزدىگىنە دەگەن مىزعىماس ادالدىعىن راستادى»، - دەلىنگەن اق ءۇي مالىمدەمەسىندە.

ا ق ش مەملەكەتتىك حاتشىسىنىڭ ورىنباسارى كۋرت كەمپبەلل دە بايدەن اكىمشىلىگىنىڭ الداعى بىرنەشە كۇندە يزرايلدىكتەرمەن ءوزارا ءىس- قيمىلىن يراننىڭ يزرايلگە جاساعان شابۋىلىنا ىقتيمال جاۋاپ تۋرالى كوزقاراستارىن سايكەستەندىرۋگە باعىتتايتىنىن اتاپ ءوتتى.

«مەنىڭ ويىمشا، ءبىز قانداي دا ءبىر جاۋاپ بەرۋدىڭ قانشالىقتى ماڭىزدى ەكەنىن، ايماق شىنىمەن پىشاق ۇشىندا تۇرعانىن جانە جاعدايدىڭ ودان ءارى شيەلەنىسۋ نەمەسە ونىڭ جالعاسۋى تۋرالى ناقتى الاڭداۋشىلىق بار ەكەنىن تۇسىنەمىز»، - دەدى كەمپبەلل.

بۇعان قوسا، ا ق ش- تىڭ ب ۇ ۇ- داعى ەلشىسى ليندا توماس- گرينفيلد تاياۋ شىعىستاعى سوڭعى شيەلەنىسكە بايلانىستى توتەنشە وتىرىس بارىسىندا قاۋىپسىزدىك كەڭەسىنىڭ مۇشەلەرىن يراندى ايىپتاپ، وعان قارسى سانكسيالار سالۋعا شاقىردى.

يزرايل ارمياسى 30-قىركۇيەك دۇيسەنبى كۇنى ليۆاننىڭ وڭتۇستىگىندە شەكارالىق ايماقتارداعى «حەزبوللا» نىساندارىن نىساناعا العان «شەكتەلگەن وپەراتسيا» باستاعانىن حابارلادى.

بۇعان دەيىن Financial Times تەرگەۋىنىڭ ناتيجەسىندە يزرايل ليۆاننىڭ «حەزبوللا» شييتتەر قوزعالىسىنىڭ باس حاتشىسى حاسان ناسراللانىڭ كوزىن جويۋعا بىرنەشە رەت تىرىسقانى بەلگىلى بولدى.

Moody's ليۆانداعى جاعدايدىڭ شيەلەنىسۋىنە بايلانىستى يزرايلدىڭ نەسيە رەيتينگىن بيىل ەكىنشى رەت تومەندەتتى.

يزرايل پرەمەر-ءمينيسترى بينيامين نەتانياحۋ سەيسەنبى كۇنى كەشكە يزرايلگە بالليستيكالىق زىمىرانمەن جاپپاي شابۋىل جاساعان يران «ۇلكەن قاتەلىك جاساعانىن جانە ونىڭ قۇنىن وتەيتىنىن» مالىمدەدى.

يزرايل يراننىڭ 1-قازاندا جاپپاي زىمىرانمەن جاساعان شابۋىلىنا جاۋاپ قايتارۋى مۇمكىن. شابۋىل يران اۋماعىنداعى مۇناي ءوندىرۋ وبەكتىلەرىنە، اۋە قورعانىس جۇيەسىنە جانە باسقا دا ستراتەگيالىق وبەكتىلەرگە باعىتتالادى دەپ بولجانىپ وتىر.