ا ق ش يەمەندەگى حۋسيتتەردىڭ ەكى درونىنا سوققى جاسادى
22:59, 07 - ناۋرىز 2024
استانا. KAZINFORM - امەريكا قۇراما شتاتتارى يەمەننىڭ حۋسيتتەر باقىلاۋىنداعى تەرريتورياسىندا ەكى درونعا سوققى جاسادى.
بۇل تۋرالى ا ق ش ورتالىق قولباسشىلىعى (CENTCOM) حابارلادى.
ۇشقىشسىز ۇشۋ اپپاراتتارى ايماقتاعى ساۋدا جانە ا ق ش اسكەري-تەڭىز كۇشتەرىنىڭ كەمەلەرىنە تىكەلەي قاۋىپ توندىرەدى، دەيدى قولباسشىلىق. شابۋىل كەشە، 6- ناۋرىز كۇنى كەشكى ۋاقىتتا ۇيىمداستىرىلعان.
- بۇل ارەكەتتەر ناۆيگاتسيا بوستاندىعىن قورعاۋ جانە ا ق ش اسكەري-تەڭىز كۇشتەرى مەن ساۋدا كەمەلەرى ءۇشىن حالىقارالىق سۋلاردىڭ قاۋىپسىزدىگىن ارتتىرۋ ءۇشىن قابىلداندى، - دەلىنگەن قولباسشىلىق مالىمدەمەسىندە.