ا ق ش وزدىگىنەن دەپورتاتسيالاناتىن زاڭسىز شەتەلدىكتەرگە 1000 دوللار تولەيدى
استانا. KAZINFORM - ىشكى قاۋىپسىزدىك مينيسترلىگى ا ق ش- تان كەتۋ ءۇشىن CBP Home قوسىمشاسىن پايدالاناتىن ادامدارعا جول اقىسىن تولەۋگە كومەك كورسەتىپ، 1000 دوللار بولەتىنىن مالىمدەدى، دەپ حابارلايدى NBC News.
بيلىك زاڭسىز يمميگرانتتاردى ەلدەن دەپورتاتسيالانۋعا كوندىرۋگە كۇش سالىپ وتىر.
دۇيسەنبىدە فەدەرالدى اگەنتتىك CBP Home قوسىمشاسىن قۇراما شتاتتاردان ءوز ەركىمەن كەتۋ ءۇشىن پايدالاناتىندارعا «ءوز ەلىنە قايتۋىن جەڭىلدەتۋ ءۇشىن» كومەك جانە «ولاردىڭ ەلگە ورالۋى قوسىمشا ارقىلى راستالعاننان كەيىن» 1000 دوللار الاتىنىن جاريالادى.
ا ق ش-تىڭ ىشكى قاۋىپسىزدىك ءمينيسترى كريستي ءنوەمنىڭ مالىمدەۋىنشە، ءوزىن- ءوزى دەپورتاتسيالاۋ - «ا ق ش- تان قاماۋعا الىنباي كەتۋدىڭ ەڭ جاقسى، قاۋىپسىز جانە ۇنەمدى جولى».
ۆەدومستۆونىڭ مالىمەتىنشە، ا ق ش سالىق تولەۋشىلەرى ءبىر دەپورتاتسيا ءۇشىن 17121 دوللار جۇمسايدى. فەدەرالدى اگەنتتىك ءوزىن- ءوزى دەپورتاتسيالاۋ بۇل شىعىندى، ءتىپتى قولما-قول تولەمدى ەسەپكە العاندا p تومەندەتەدى دەپ كۇتىپ وتىر.
ۆاشينگتونداعى كوشى-قون ساياساتى ينستيتۋتىنىڭ مالىمەتىنشە، وسى جىلى ەلدەن ءوز ەركىمەن كەتكەنى تۋرالى حابارلاۋ ءۇشىن كەم دەگەندە 5 مىڭ يمميگرانت CBP Home قىزمەتىن پايدالانعان.
CBP Home قوسىمشاسىنىڭ جۇكتەلۋىن قاداعالايتىن Appfigures كومپانياسىنىڭ مالىمەتىنشە، 2025 -جىلدىڭ باسىنان بەرى قوسىمشا شامامەن 300 مىڭ رەت جۇكتەلگەن.
ناۋرىزدا ترامپ اكىمشىلىگى بايدەن داۋىرىندەگى ا ق ش- قا كىرۋگە ارنالعان CBP One باعدارلاماسىن CBP Home عا وزگەرتىپ، وعان 200 ميلليون دوللار جۇمسادى.
دونالد ترامپ دەپورتاتسيالاۋعا ۇشىراعان ميگرانتتار ا ق ش- تان كەتپەسە، ولارعا كۇنىنە 998 دوللار ايىپپۇل سالىپ، ونى تولەمەگەن جاعدايدا مۇلكىن تاركىلەۋدى جوسپارلاپ وتىرعانىن جازعان بولاتىنبىز.