ا ق ش «تيتان» باتيسكافىنىڭ سۋ استىنداعى جارىلىسىنىڭ اۋديوجازباسىن جاريالادى

استانا. KAZINFORM - ا ق ش- تىڭ مۇحيت جانە اتموسفەرالىق زەرتتەۋلەر ۇلتتىق باسقارماسى (NOAA) «تيتان» اپپاراتى جارىلعان ءساتتىڭ اۋديوجازباسىن جاريالادى، دەپ حابارلايدى New York Post.

جازۋ اق شۋدان باستادى، سودان كەيىن قاتتى جارىلىس دىبىسى مەن جاڭعىرىق ەستىلەدى، سودان كەيىن قايتادان تىنىشتىق.

20 سەكۋندتىق جازبانى وقيعا ورنىنان شامامەن 900 ميل قاشىقتىقتا بولعان پاسسيۆتى اكۋستيكالىق جازۋ قۇرىلعىسى تىركەگەن.

ا ق ش جاعالاۋ كۇزەتى جازبادا «تيتان» سۋاستى اپپاراتىنىڭ جارىلۋىنا ءتان اكۋستيكالىق بەلگى بار» دەپ مالىمدەدى.

ەسكە سالا كەتسەك، 2023 -جىلدىڭ ماۋسىمىندا شاعىن سۇڭگۋىر قايىقپەن «تيتانيككە» اتتانعان 5 ادام جوعالىپ كەتتى.

بورتىندا 5 ادام (فرانسيا، ا ق ش، ۇلى بريتانيا جانە پاكىستان ازاماتتارى) بار شاعىن «تيتان» (Titan Sub) قايىعى سولتۇستىك اتلانتيكاداعى سۋعا باتقان «تيتانيك» كەمەسىمەن تانىسۋ ءۇشىن 4 مىڭ مەتر تەرەڭدىككە سۇڭگىپ كەتكەن.

«تيتان» باتيسكافىندا قازا تاپقان پاكىستاندىق- بريتاندىق كاسىپكەر وسيەتىنىڭ جوقتىعىنان ايەلى مەن بالاسىنا وراسان بايلىعىنىڭ از عانا بولىگىن قالدىرعانىن جازعان بولاتىنبىز.