ا ق ش- تىڭ يەمەنگە سوققىسىنان 68 ادام قازا تاپتى
استانا. KAZINFORM - ا ق ش قارۋلى كۇشتەرىنىڭ يەمەننىڭ سولتۇستىك- باتىسىنداعى ساادا قالاسىنداعى ميگرانتتار ورتالىعىنا جاساعان سوققىسىنان قازا تاپقاندار سانى 68 ادامعا جەتتى، 47 ادام جاراقات الدى.
بۇل تۋرالى يەمەندەگى «انسار اللاح» قوزعالىسىنىڭ Al Masirah تەلەارناسى حابارلادى، دەپ جازادى ت ا س س.
بۇعان دەيىن 35 ادامنىڭ قازا تاۋىپ، 50 ادامنىڭ جارالانعانى تۋرالى حابارلانعان بولاتىن. تەلەارنانىڭ مالىمەتىنشە، جارالانعانداردىڭ كوبى اۋىر حالدە.
وقيعا كەزىندە ورتالىقتا 115 ميگرانت بولعان. ولار نەگىزىنەن افريكا ەلدەرىنەن كەلگەن ازاماتتار.
ەسكە سالا كەتەيىك، 2023 -جىلى گازا سەكتورىنداعى جاعداي شيەلەنىسكەننەن كەيىن، حۋسيتتەر يزرايل اۋماعىنا شابۋىل جاسايتىنىن جانە يزرايلمەن بايلانىسى بار كەمەلەردىڭ قىزىل تەڭىز بەن ب ا ب- ەل- ماندەب بۇعازىنان وتۋىنە جول بەرمەيتىنىن مالىمدەگەن ەدى.
ءبىرشاما ۋاقىتتان كەيىن، ياعني قاڭتاردا گازا سەكتورىندا ءبىتىم ورناپ، شابۋىلدار توقتاعان بولاتىن. الايدا ناۋرىزدىڭ باسىندا ءبىتىم بۇزىلىپ، حۋسيتتەر يزرايل كەمەلەرىنە قايتا شابۋىلداي باستادى.
15-ناۋرىزدا ا ق ش پرەزيدەنتى دونالد ترامپتىڭ بۇيرىعىمەن اقش قارۋلى كۇشتەرى يەمەندەگى حۋسيتتەردىڭ باقىلاۋىنداعى نىساندارعا جاپپاي اۋە سوققىلارىن باستادى. ا ق ش ورتالىق قولباسشىلىعى بۇل وپەراتسيانىڭ ماقساتى - امەريكالىق مۇددەلەردى قورعاۋ جانە قىزىل تەڭىزدەگى كەمەلەردىڭ ءقاۋىپسىز ءوتۋىن قامتاماسىز ەتۋ ەكەنىن ءتۇسىندىردى.
وعان جاۋاپ رەتىندە «انسار اللاح» قوزعالىسى قىزىل تەڭىزدىڭ سولتۇستىگىندە ورنالاسقان Harry Truman اۋە تاسىمالداۋشى كەمەسىنە بىرنەشە رەت شابۋىل جاساۋعا تىرىسقان.
ايتا كەتەيىك، بۇعان دەيىن ا ق ش اسكەري كۇشتەرى سوڭعى ءبىر اپتا ىشىندە يەمەن اۋماعىنا كەم دەگەندە 260 اۋە سوققىسىن جاساعانىن جازدىق.