ا ق ش-تىڭ ميسسيسيپي شتاتىنداعى مەكتەپتە اتىس بولىپ، 3 ادام كوز جۇمدى
09:46, 21 - قازان 2024
استانا. KAZINFORM - ا ق ش-تىڭ وڭتۇستىگىندەگى ميسسيسيپي شتاتى حولمس وكرۋگىندە سەنبى كۇنى بولعان اتىستان ءۇش ادام مەرت بولىپ، تاعى 8 ادام جاراقات الدى، دەپ حابارلايدى قىتايدىڭ شينحۋا اگەنتتىگى.
فۋتبولشىلار وكرۋگ بويىنشا وتكەن جارىستا مەكتەپتىڭ جەڭىسىن تويلاپ جاتقان. سول ساتتە 200-300 ادامنان تۇراتىن توپقا ەكى ادام وق جاۋدىرعان.
حولمس وكرۋگىنىڭ شەريفى ۋيللي مارچتىڭ ايتۋىنشا، اتىس بىرنەشە جاستىڭ ءوزارا جانجالىنىڭ ناتيجەسىندە تۋىنداعان. قازىر وقيعانىڭ ءمان-جايى انىقتالىپ جاتىر.
شەريف پوليتسيانىڭ كۇدىكتىلەردى ىزدەستىرىپ جاتقانىن ايتتى. سونداي-اق تەرگەۋ جۇمىستارى دا ءجۇرىپ جاتىر.