شىعىنداردىڭ كوپ مولشەرى قورعانىسقا، الەۋمەتتىك باعدارلامالارعا جانە بيۋجەت تاپشىلىعىنا بايلانىستى پايىزدىڭ ءوسىمىن تولەۋگە جۇمسالادى.
ا ق ش- تىڭ مەملەكەتتىك قارىزى 2026-جىلعى 19-تامىزدا تاريحتا العاش رەت 40 تريلليون دوللاردان اسقان بولاتىن. بىلتىر قازان ايىندا، امەريكانىڭ قارىزى 38 تريلليون دوللار بولعان.
ساراپشىلار قارىزدىڭ قازىرگى وسىمىنە قاراپ، 2030-جىلى ا ق ش مەملەكەتتىك قارىزى 50 تريلليون دوللارعا جەتەتىنىن بولجاپ وتىر.
ا ق ش- تىڭ مەملەكەتتىك قارىزىنىڭ شەكتى مولشەرىن كونگرەسس زاڭمەن بەلگىلەيدى. 41,1 تريلليون دوللارلىق شەكتى مولشەرگە ا ق ش، قوس پارتيالى ساياسات ورتالىعىنىڭ دەرەگى بويىنشا، 2027-جىلى قىستىڭ سوڭى مەن جازدىڭ ورتاسى ارالىعىندا جەتپەك. سول كەزدە كونگرەسس شەكتى مولشەردى كوتەرۋ نەمەسە توقتاتا تۇرۋ تۋرالى ماسەلەنى تاعى دا داۋىسقا سالادى.
بۇرىن ا ق ش ب ۇ ۇ الدىنداعى قارىزىنىڭ ءبىر بولىگىن وتەۋدى جوسپارلاپ وتىرعانى حابارلانعان بولاتىن.