Downdetector دەرەكتەرىنە سايكەس، پايدالانۋشىلار Bank of America, Chase, J. P. Morgan, U. S. Bank, Wells Fargo بانكتەرى مەن Zelle تولەم سەرۆيسىنىڭ جۇمىسىندا اقاۋ بولعانىن حابارلاعان.
Chase بانكىنىڭ وكىلدەرى بۇل جاعداي كيبەرشابۋىلعا بايلانىستى ەمەس، تەحنيكالىق اقاۋدان تۋىنداعانىن مالىمدەدى.
— تەحنيكالىق اقاۋعا بايلانىستى كەيبىر ترانزاكسيالاردى وڭدەۋ ادەتتەگىدەن ۇزاققا سوزىلىپ جاتىر. دەگەنمەن كليەنتتەر ءوز شوتتارى مەن قاراجاتىنا قول جەتكىزە الادى. ءبىز ماسەلەنى مۇمكىندىگىنشە تەزىرەك شەشۋ ءۇشىن جۇمىس ىستەپ جاتىرمىز، — دەلىنگەن بانك مالىمدەمەسىندە.
بۇل حابارلامالار Microsoft كومپانياسىنىڭ 13- قاراشادا بولعان اۋقىمدى تەحنيكالىق اقاۋىنان بىرنەشە كۇن وتكەن سوڭ جاريالاندى. ول كەزدە كومپانيانىڭ Outlook, Teams جانە Copilot سياقتى ءبىرقاتار سەرۆيسى بىرنەشە ساعات بويى ىستەمەي قالعان ەدى. ەكى وقيعانىڭ ءوزارا بايلانىسى بار-جوعى ازىرگە بەلگىسىز.
بۇعان دەيىن ا ق ش- تا اۆياديسپەتچەرلەردىڭ بايلانىس جۇيەسىندەگى اۋقىمدى ءۇزىلىس سالدارىنان ۇشاقتار ءتورت ساعات بويى اۋەگە كوتەرىلە الماي تۇرعانى حابارلاندى. اقاۋ ەل بويىنشا اۋەجايلارعا اسەر ەتىپ، ۇشۋ كەستەسىنە ايتارلىقتاي كەدەرگى كەلتىردى.