اق ءۇي 2026 قارجى جىلىندا بيۋجەت تاپشىلىعى شامامەن 2,1 تريلليون دوللاردى قۇرايدى دەپ شامالادى، وسى ارادا وبليگاتسيالار نارىعىنا قاتىسۋشىلار تاپشىلىقتى شامامەن 2 تريلليون دوللار كولەمىندە بولادى دەپ بولجاپ وتىر.
ەكى كورسەتكىش تە كونگرەستىڭ پارتيالىق ەمەس بيۋجەتتىك باسقارماسىنىڭ اقپان ايىندا جاريالاعان 1,8 تريلليون دوللارلىق باعالاۋىنان اسىپ تۇسەدى.
- 2 تريلليون دوللار كولەمىندەگى تاپشىلىق بۇرىن بولماعان ەدى جانە ول تەك ءىرى ەكونوميكالىق قۇلدىراۋ كەزىندە عانا ورىن الدى. 2 تريلليون دوللارلىق تاپشىلىقتىڭ قالىپتى جاعدايعا اينالۋى وتە قورقىنىشتى جاعداي، - دەپ مالىمدەدى جاۋاپتى فەدەرالدى بيۋجەت جونىندەگى پارتيالىق ەمەس كوميتەتتىڭ پرەزيدەنتى مايا ماكگيننەس.
بۇل ا ق ش تاريحىندا ءۇشىنشى ەڭ ۇلكەن تاپشىلىق بولادى. ەڭ ۇلكەن تاپشىلىق 2020 قارجى جىلىندا، COVID-19 پاندەمياسى كەزىندە 3,1 تريلليون دوللاردى قۇرادى، ال كەلەسى جىلى ەكونوميكانى قولداۋعا ارنالعان ىنتالاندىرۋ شىعىندارىنىڭ كۇرت ءوسۋى اياسىندا ول شامامەن 2,8 تريلليون دوللارعا جەتتى.
وسىعان دەيىن ا ق ش- تىڭ ۇلتتىق قارىزى ەكونوميكا كولەمىنەن اسىپ كەتكەنى حابارلاندى.