ا ق ش-تىڭ بەدەلدى ۋنيۆەرسيتەتتەرى اق ءۇي اكىمشىلىگىنە قارسى بىرلەستىك قۇردى

استانا. قازاقپارات – ا ق ش- تىڭ بەدەلدى ۋنيۆەرسيتەتتەرى اق ءۇي اكىمشىلىگىنە قارسى بىرلەستىك قۇردى. جوعارى وقۋ ورىندارى بيلىكپەن قانداي دەڭگەيدە كەلىسە الاتىنىن جانە ۇستاناتىن باعىتىن ايقىنداماق.

بۇل تۋرالى The Wall Street Journal باسىلىمى حابارلادى. ۋنيۆەرسيتەت باسشىلارى ستۋدەنتتەردى قابىلداۋ، كادرلىق ساياسات پەن وقۋ تالاپتارى سياقتى ماسەلەلەردە اكادەميالىق دەربەستىكتى ساقتاپ قالۋعا نيەتتى.

ايتا كەتەيىك، اق ءۇي اكىمشىلىگى ءار-الۋاندىق، تەڭدىك جانە ينكليۋزيا باعدارلاماسىنان باس تارتۋىن تالاپ ەتىپ وتىر. ۋنيۆەرسيتەت باسشىلىقتارى بولسا مۇنداي ءىس-ارەكەتتەر اكادەميالىق ەركىندىك قۇقىعىنا قايشى دەيدى. ولاردىڭ قاتارىندا گارۆارد، پرينستون، يەل سياقتى جوعارى وقۋ ورىندارى بار.