ا ق ش- تىڭ باج سالىعى قازاقستان قور بيرجاسىنا قالاي اسەر ەتەدى

الماتى. KAZINFORM – ا ق ش پرەزيدەنتى دونالد ترامپتىڭ 1-تامىزدان باستاپ قازاقستاننان كەلەتىن بارلىق تاۋارلارعا 25 پايىز باج سالىعىن ەنگىزۋ جونىندەگى مالىمدەمەسىنە بايلانىستى قازاقستان قور بيرجاسىنىڭ (KASE) باسقارما ءتوراعاسى ءادىل مۇحامەدجانوۆ پىكىر ءبىلدىردى.

بۇل تۋرالى KASE باسشىسى 2025-جىلدىڭ ءبىرىنشى جارتىجىلدىعىندا بيرجا نارىعىنىڭ قورىتىندىلارىنا ارنالعان باسپا ءسوز ءماسليحاتىندا ايتتى.

- ەگەر ساۋدا ديناميكاسىنا قارايتىن بولساق، ساۋدا قورىتىندىسى بويىنشا ايتارلىقتاي وزگەرىستى بايقاعان جوقپىز. دەگەنمەن، بۇل تاريفتەردىڭ ەكونوميكاعا ىقپالىن ناقتىراق تالداپ كورگەن ءجون شىعار، سوندا الداعى ۋاقىتتا ونىڭ اسەرى تۇسىنىكتى بولادى. قازىرگى تاڭدا نارىق وسى جاعدايدى زەردەلەۋ كەزەڭىندە تۇر دەپ ويلايمىن، - دەدى ول.

قازاقستان قور بيرجاسىنىڭ (KASE) دەرەكتەرىنە سايكەس، جىل باسىنان بەرى KASE يندەكسى 7,9 پايىزعا ءوسىپ، 6018,56 ساتىعا جەتكەن. اكسيالار نارىعىنىڭ كاپيتاليزاتسياسى 3,4 پايىزعا نەمەسە 1,1 تريلليون تەڭگەگە ارتىپ، 34,0 تريلليون تەڭگەگە جەتكەن.

ەسكە سالايىق، اقش پرەزيدەنتى رەسمي استاناعا قازاقستان تاۋارلارىنا 25 پايىزدىق باج سالىعىن ەنگىزگەنى تۋرالى حات جولداعان بولاتىن. ءدال وسىنداي باج جاپونيا مەن وڭتۇستىك كورەيا تاۋارلارىنا دا سالىنىپ وتىر.