ا ق ش- تىڭ اسكەري قىزمەتكەرلەرى تىكۇشاق اپاتىنان قازا تاپتى
11:06, 20 - قىركۇيەك 2025
استانا. KAZINFORM - ۆاشينگتون شتاتىندا تىكۇشاق اپاتقا ۇشىراپ، 4 امەريكالىق اسكەري قىزمەتكەر قازا تاپتى، دەپ جازدى Report.
اپات تۋرالى ا ق ش ارمياسىنىڭ ارنايى وپەراتسيالىق قولباسشىلىعى مالىمدەگەن.
- اقپاراتقا سايكەس، تىكۇشاق 17-قىركۇيەك كۇنى كەشكە كەزەكتى وقۋ-جاتتىعۋىن ورىنداعان. ولار جاتتىعۋدى ليۋيس- ماككورد اۋە كۇشتەرى بازاسىنا جاقىن جەردە جۇرگىزگەن. بورتتا ءتورت ادام بولعان، ولاردىڭ اتى- ءجونى ءالى جاريالانبادى. سونداي-اق اپاتتىڭ سەبەبى انىقتالعان جوق، - دەلىنگەن اقپاراتتا.
وقىس وقيعانى تەرستون وكرۋگىنىڭ شەريف كەڭسەسى حابارلاعان.
ايتا كەتەيىك، بۇعان دەيىن ا ق ش- تا جولاۋشىلار مىنگەن تىكۇشاق اپاتقا ۇشىرادى.