ا ق ش تۇرعىنىنا 100 جىل بۇرىن جازىلعان حات كەلگەن . ميچيگان تۇرعىنى بريتتاني كيچ پوشتا جاشىگىنەن ەرەكشە زات تاپتى - 1920 -جىلى جازىلعان، حەللوۋينگە ارنالعان 100 جىلدىق اشىق حات. اشىق حاتتا دجوردج ۆاشينگتون بەينەلەنگەن 1 سەنتتىك ەسكى ماركاسى جانە «1920 -جىلعى 29-قازان» دەگەن بەلگى بولعان.
حات روي ماككۋيننىڭ جۇبايى نوراعا جانە ونىڭ تۋىستارىنىڭ ءبىرى فلوسسي بەردجەسس جازعان. حاتتا اۋا رايى، دەنساۋلىق جايلى قىسقاشا سوزدەر جانە رويدىڭ شالبارىن جوندەگەن-جوندەمەگەنى تۋرالى ءازىل بار.
بريتتاني جەرگىلىكتى تۇرعىنداردىڭ كومەگىمەن حاتتى جازعان جانە العان ادامداردىڭ تۋىستارىن ىزدەپ تاپتى. اشىق حات ولاردىڭ وتباسىنىڭ الىستاعى ءبىر مۇشەسىنە قايتارىلماق.
اشىق حاتتىڭ عاسىردان كەيىن قالاي تابىلعانى تۇسىنىكسىز. ساراپشىلار ونىڭ پوشتا بولىمشەسىنىڭ ەسكى جابدىقتارىنىڭ اراسىندا قالىپ قويعان بولۋى مۇمكىن دەپ بولجايدى.
بۇل ەرەكشە جاعداي پوشتا قىزمەتى تاريحىنىڭ ءبىر بولشەگى بولىپ وتىر. 100 جىلدىق حات - ۋاقىت پەن تاريحتىڭ توسىن سىيى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан