ا ق ش-تان ەسىرتكى جەتكىزگەن كۇدىكتىلەر 16 جىلعا سوتتالدى
استانا. KAZINFORM - اقمولا كولىك پروكۋراتۋراسى جانە استانا قالاسىنىڭ ەكونوميكالىق تەرگەپ-تەكسەرۋ دەپارتامەنتى ەل اۋماعىنا ەسىرتكى قۇرالدارىن، ونىڭ ىشىندە حالىقارالىق پوشتا جونەلتىمدەرى ارقىلى اكەلۋگە جول بەرمەۋگە باعىتتالعان الدىن الۋ شارالارىن قابىلداپ جاتىر.
جەدەل-ىزدەستىرۋ ءىس-شارالارى بارىسىندا ا ق ش- تان ق ر ازاماتتارىنىڭ اتىنا حالىقارالىق پوشتا جونەلتىمدەرى ارقىلى تۇرمىستىق ءونىم رەتىندە جاسىرىلعان ەسىرتكى زاتتارى تۇسكەنى انىقتالدى.
- «قازپوشتا» ا ق استانا قالاسىنداعى كەدەندىك باقىلاۋ ايماعىندا 1,2 ك گ گاشيش مايى تاركىلەندى.
سونىمەن قاتار، ايىپتالۋشىنىڭ تۇرعىلىقتى جەرىن ءتىنتۋ كەزىندە الماتىدا 4,38 گرام ورالعان مەفەدرون تابىلدى، - دەپ جازدى باس پروكۋراتۋرادان.
استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ايىپتالۋشىنى اسا ءىرى مولشەردە ەسىرتكى جانە پسيحوتروپتىق زاتتاردى كونترابانداعا جانە وتكىزۋگە كىنالى دەپ تانىدى. وعان 16 جىلعا باس بوستاندىعىنان ايىرۋ جازاسى تاعايىندالدى.
ۇكىم زاڭدى كۇشىنە ەنگەن جوق.
ايتا كەتەيىك، اقمولا وبلىسىندا ەسىرتكى جاسىرىپ جۇرگەن 19 جاستاعى تۇرعىن ۇستالدى.