ا ق ش- تا زاڭسىز ميگرانتتاردى دەپورتاتسيالاۋ ءۇشىن جاساندى ينتەللەكت قولدانىلۋى مۇمكىن

استانا. قازاقپارات - دونالد ترامپ پرەزيدەنتتىك قىزمەتكە كىرىسكەن بويدا زاڭسىز ميگراتسياعا قارسى اۋقىمدى شارالاردى قولعا الۋعا ۋادە بەردى، دەپ حابارلايدى 24kz.

ساراپشىلاردىڭ ايتۋىنشا، بۇل جوسپاردى ىسكە اسىرۋ ءۇشىن جاساندى ينتەللەكت قولدانىلۋى مۇمكىن. ياعني، دەپورتاتسيا شەشىمدەرى اۆتوماتتاندىرىلىپ، ا ق ش اۋماعىندا جۇرگەن زاڭسىز ميگرانتتار جىلدام جاپپاي وتاندارىنا قايتارىلا باستاۋى ىقتيمال. بۇل تۋرالى بۇگىن ا ق ش قاۋىپسىزدىك دەپارتامەنتىنىڭ باسشىسى مالىمدەدى. الايدا بوسقىنداردىڭ قۇقىعىن قورعاۋ ۇيىمدارى مالىمدەمەگە الاڭداۋشىلىق بىلدىرۋدە.

بەاتريس پونسە دە لەون، چيكاگو قالاسى مەرىنىڭ ميگرانتتار جانە بوسقىندار قۇقىقتارى جونىندەگى ورىنباسارى:

- ترامپتىڭ زاڭسىز ميگرانتتاردى جاپپاي دەپورتاتسيالاۋ تۋرالى جوسپارى ءبىزدىڭ قوعامعا كوپ زيانىن تيگىزۋى مۇمكىن. بۇل وتباسىلاردى بولەدى. ەكونوميكامىز بەن ەلدەگى ساياسي جاعدايعا كەرى اسەر ەتىپ، حالىقتى ۇرەيلەندىرەدى. بۇل شەشىمدەر ەلىمىزگە ەش جاقسىلىق اكەلمەيدى.

ترامپتىڭ سەرىكتەسى دجەي دي ۆەنستىڭ ايتۋىنشا، جاڭا اكىمشىلىك بوسقىنداردى جاپپاي دەپورتاتسيالاۋ اياسىندا جىلىنا 1 ميلليون ادامدى ەلدەن شىعارۋعا نيەتتى.

ءبىراق ساراپشىلار: «بۇل ەلدىڭ ەڭبەك نارىعىنا تۇراقسىزدىق اكەلىپ، ا ق ش- تىڭ جالپى ىشكى ءونىمى 1,7 تريلليون دوللارعا دەيىن ازايادى»، - دەيدى.

ايتا كەتەيىك، بۇگىندە ا ق ش اۋماعىندا 11 ميلليون- عا جۋىق زاڭسىز ميگرانت بار. بۇل - امەريكا حالقىنىڭ شامامەن %3- ءىن قۇرايدى. ولاردىڭ �- ءى ا ق ش- تا 10 جىلدان استام ۋاقىت ءومىر ءسۇرىپ كەلە جاتقان ادامدار.

فرەددي رودريگەس، ميگرانت:

- ارينە، ترامپتىڭ ارەكەتتەرىنەن قورقامىن. ءبىراق مەن ءوز ەلىمە قايتقىم كەلمەيدى. سوندىقتان قايتكەن كۇندە دە تىرىسۋ كەرەك. ترامپتىڭ پرەزيدەنتتىك قىزمەتكە كىرىسۋىن كۇتەمىز، نە بولاتىنىن سودان كەيىن كورەمىز.