رەسپۋبليكالىق پارتيانىڭ ارالىق سايلاۋداعى جەڭىلىسىنەن كەيىن «قىزىلدار» اراسىندا ا ق ش قورعانىس مينيسترىنە قاتىستى سىن كۇشەيە ءتۇستى. كوپتەگەن رەسپۋبليكاشىلدار حەگسەت پرەزيدەنت دونالد ترامپتى يرانمەن سوعىستى باستاۋعا كوندىردى، ءبىراق ونىڭ تۋىنداۋى مۇمكىن ساياسي سالدارىن ەسكەرمەدى دەپ سانايدى.
رەسپۋبليكاشىلدار حەگسەتتى ا ق ش- تىڭ اسكەري مۇمكىندىكتەرىن اسىرا باعالادى جانە يران جاقىن ارادا تىزە بۇگەتىندەي بەلگىلەر بايقالماسا دا، قاقتىعىستىڭ ودان ءارى ۋشىعۋىن قولدادى دەپ ايىپتايدى. سوعىس ۇزاققا سوزىلعان قاقتىعىسقا اينالدى، ەكونوميكالىق پروبلەمالار مەن سايلاۋشىلاردىڭ نارازىلىعىن كۇشەيتتى دەگەن پىكىردە.
وسىعان بايلانىستى كەنتۋككي شتاتىنان كەلگەن رەسپۋبليكاشىل كونگرەسسمەن توماس ماسسي كونگرەسس سەسسياعا ورالعاننان كەيىن حەگسەتكە يمپيچمەنت جاريالاۋ ماسەلەسىن داۋىسقا سالۋدى ۇسىنباق. كەيبىر رەسپۋبليكاشىلدار مينيستر اسكەري وپەراتسيانىڭ مەرزىمىن، ماقساتتارىن جانە ناتيجەلەرىن قاتە باعالاعانى ءۇشىن جاۋاپ بەرۋى كەرەك دەپ سانايدى.
ترامپ ازىرگە حەگسەتتى قولداپ كەلەدى، ونى ءوز اكىمشىلىگىنىڭ ەڭ جاقسى قىزمەتكەرلەرىنىڭ ءبىرى دەپ اتاپ، جۇمىستان شىعارىلۋى تۋرالى قاۋەسەتتەردى جوققا شىعاردى.
بۇعان دەيىن ا ق ش ۆيتسە-پرەزيدەنتى دج. د. ۆەنس تە رەسپۋبليكالىق پارتيانىڭ جەڭىلۋىنىڭ باستى سەبەبى سوعىس بولعانىن ايتقان بولاتىن.