سەرۋەندەۋ 4 تەن 6 ساعاتقا دەيىن سوزىلادى. قىزمەتكەردىڭ نەگىزگى مىندەتى - سان-فرانتسيسكو كوشەلەرىندەگى سەرۋەن كەزىندە سالماعى 15 كيلوگرام بولاتىن ءتورت اياقتى روبوتتى (Unitree كومپانياسىنىڭ ءونىمى) الىپ ءجۇرۋ جانە ناۆيگاتسيا جۇمىسىن تىركەۋ. ستارتاپ نەگىزىن قالاۋشى ستاش پوميحتەردىڭ ايتۋىنشا، بۇل ناقتى دەرەكتەردى جيناۋ جانە جاساندى ينتەللەكت الگوريتمدەرىن وقىتۋ ءۇشىن قاجەت.
الايدا روبوت-ءيتتىڭ اككۋمۋلياتورى تاۋسىلسا نەمەسە جۇيەلى ىركىلىس ورىن السا، قىزمەتكەرگە 15 كيلوگرامدىق قۇرىلعىنى كەڭسەگە كوتەرىپ اكەلۋگە تۋرا كەلەدى.
بۇعان دەيىن شىعىس قازاقستان وبلىسىندا پوليتسيا العاش رەت روبوتتاندىرىلعان ءيتتى قولدانعانى تۋرالى جازعان بولاتىنبىز. ول اۋماقتى وزدىگىنەن كۇزەتىپ، بەينەباقىلاۋ جۇرگىزە الادى جانە پوليتسيا قىزمەتكەرلەرىنە اقپارات بەرەدى.