ا ق ش-تا ۆەنەسۋەلا پرەزيدەنتىنىڭ ۇشاعى تاركىلەندى

استانا. KAZINFORM - ۆەنەسۋەلا پرەزيدەنتى نيكولاس مادۋرو پايدالانعان Dassault Falcon 900EX ۇشاعى ا ق ش-تان «زاڭسىز شىعارىلعانى» انىقتالىپ، دومينيكان رەسپۋبليكاسىندا تاركىلەندى، دەپ حابارلايدى «امەريكا داۋىسى».

ەندى ول سانكسيالاردى بۇزعانى ءۇشىن ا ق ش بيلىگىنىڭ ءوتىنىشى بويىنشا فلوريداعا جەتكىزىلەدى.

ا ق ش-تىڭ ساۋدا مينيسترلىگى ۇشاقتىڭ سانكسيالار مەن ەكسپورت زاڭدارىن بۇزىپ، زاڭسىز تۇردە ساتىپ الىنعانىن جانە ا ق ش-تان جاسىرىن شىعارىلعانىن مالىمدەيدى. ءمينيستردىڭ ەكسپورت ەرەجەلەرىن ساقتاۋ جونىندەگى كومەكشىسى مەتتيۋ اكسەلرود ا ق ش-تا ۋاكىلەتتى شەنەۋنىكتەرگە زاڭسىز ساتىپ الىنعان كەز كەلگەن ۇشاق انىقتالىپ، قايتارىلاتىنىن اتاپ ءوتتى.

سان-مارينودا تىركەلگەن ۇشاقتى مادۋرو گايانا مەن كۋباعا ساپار شەگۋ ءۇشىن پايدالانعان، سونىمەن قاتار وعان ءمىنىپ كاريب تەڭىزىندە تۇتقىندار الماسۋعا قاتىسقان. باس پروكۋرور مەرريك گارلاندتىڭ اتاپ وتۋىنشە، ۇشاق مادۋرو مەن ونىڭ وداقتاستارى پايدالانۋ ءۇشىن شىعارىلعان.

اق ءۇي شەنەۋنىكتەرىنىڭ مالىمەتىنشە، بۇل مادۋرو ءۇشىن ونىڭ تەرىس ارەكەتتەرىنىڭ سالدارىن قامتاماسىز ەتۋگە باعىتتالعان قادام. ۇشاق بۇعان دەيىن ا ق ش-تا تىركەلگەن جانە فلوريداداعى Six G Aviation كومپانياسىنا تيەسىلى بولاتىن. 2022 -جىلدىڭ اياعى مەن 2023 -جىلدىڭ باسىندا مادۋرو جاقتاستارى ۇشاقتى 13 ميلليون دوللارعا ساتىپ الىپ، ا ق ش سانكسيالارىن اينالىپ ءوتىپ، ۆەنەسۋەلاعا ۇشىرۋ ءۇشىن جالعان كومپانيانى پايدالاندى.

اۆتور
زارينا تۋعانبايەۆا