ا ق ش- تا مەكتەپتە اتىس بولىپ، ءۇش ادام قازا تاپتى

استانا. KAZINFORM - ا ق ش- تىڭ ۆيسكونسين شتاتىنىڭ ماديسون قالاسىنداعى حريستيان مەكتەبىندە اتىس بولىپ، كەمىندە ءۇش ادام قازا تاۋىپ، تاعى التى ادام جاراقات العان.

بۇل تۋرالى Kazinform BBC- گە سىلتەمە جاساپ حابارلايدى.

پوليسيا بۇعان دەيىن بەس ادامنىڭ مەرت بولعانىن حابارلادى، ءبىراق كەيىنىرەك ولاردىڭ سانى ۇشەۋ ەكەنى انىقتالدى.

جەرگىلىكتى پوليسيا وكىلدەرىنىڭ حابارلاۋىنشا، قازا تاپقاندار اراسىندا شابۋىلعا كۇدىكتى كامەلەتكە تولماعان بالا بار - ول وسى مەكتەپتىڭ وقۋشىسى بولۋى مۇمكىن.

پوليتسەيلەر وقيعا ورنىنا جەتكەنشە كۇدىكتى الدەقاشان ءولىپ قالعانى بەلگىلى بولدى. بۇل رەتتە پوليتسيا قارۋ قولدانباعانىن حابارلادى.

ماديسون قالاسى - ۆيسكونسين شتاتىنىڭ استاناسى.