ا ق ش-تا مارستان قۇلاعان مەتەوريت اۋكسيونعا شىعارىلادى

استانا. قازاقپارات - Sotheby's اۋكسيون ءۇيى 16-شىلدەدە نيۋ-يوركتە سيرەك كەزدەسەتىن ەكسپوناتتى - مارستان جەرگە قۇلاعان ەڭ ۇلكەن مەتەوريتتى ساتۋعا شىعارادى، دەپ حابارلايدى Bild.

NWA 16788 دەپ بەلگىلەنگەن تاستىڭ سالماعى 25 كەلى جانە ونىڭ باعاسى اۋكسيون كەزىندە 4 ميلليون دوللارعا دەيىن كوتەرىلۋى مۇمكىن ەكەنى اتاپ ءوتىلدى.

2023 -جىلى نيگەردە بىرەگەي عارىش نىسانى تابىلدى. عالىمدار ول كۇشتى استەرويد سوقتىعىسۋى ناتيجەسىندە مارستان ءبولىنىپ، كوپ جىلدان كەيىن مەتەوريت بولىپ جەرگە قۇلادى دەپ ەسەپتەيدى.

- مۇنداي ولجالار وتە سيرەك كەزدەسەدى: دۇنيە جۇزىندە 400 گە جۋىق مارس مەتەوريتى بار، ولاردىڭ كوپشىلىگى كىشكەنتاي،-دەلىنگەن حابارلامادا.

Sotheby's بۇل تاستى «كوللەكسيونەرلەر ءۇشىن قازىنا» دەپ اتايدى. اۋكسيون ءۇيى NWA 16788 جاي عانا اۋىر تاس ەمەس، جاقسى ساقتالعان مەتەوريت ەكەنىن ايتادى.

ەسكە سالا كەتەيىك، ناپولەوننىڭ قىلىشى پاريجدەگى اۋكسيوندا 4,7 ميلليون ەۋروعا ساتىلدى.