ا ق ش-تا كامالا حارريس ءۇشىن ۆيتسە-پرەزيدەنتتەردى تاڭداۋ پروتسەسى اياقتالۋعا جاقىن

استانا. KAZINFORM - ۆيتسە-پرەزيدەنت كامالا حارريستىڭ تەكسەرۋ توبى ۆيتسە-پرەزيدەنتتىككە ۇمىتكەر التى ازاماتپەن كەزدەستى، ىرىكتەۋ جۇمىستارى اياقتالۋعا جاقىن، دەپ جازادى NBC News.

ۇمىتكەر رەتىندە التى ادام قاراستىرىلدى: ميننەسوتا گۋبەرناتورى تيم ۋولتس، پەنسيلۆانيا گۋبەرناتورى دجوش شاپيرو، يللينويس گۋبەرناتورى دج. پريتسكەر، كەنتۋككي گۋبەرناتورى ەندي بەشير، اريزونا شتاتىنىڭ سەناتورى مارك كەللي جانە كولىك ءمينيسترى پيت بۋتتەدجيچ.

ولاردىڭ بارلىعى 59 جاستاعى ك. حارريس شامالاس نەمەسە ودان كىشى.

م. كەللي حارريستىڭ تەكسەرۋ توبىمەن سەيسەنبى كۇنى، دج. شاپيرو سارسەنبى كۇنى كەزدەستى. پەنسيلۆانيا مەن اريزونا شتاتتارى سايلاۋشىلار القاسىندا جەڭىسكە جەتۋ ءۇشىن ماڭىزدى شتاتتار سانالادى.

پريتسكەر حارريستىڭ تەكسەرۋ توبىمەن ەكى رەت Zoom ارقىلى سۇحباتتاستى. دۇيسەنبى كۇنى ءۇش ساعاتتىق سۇحبات جانە سارسەنبى كۇنى كەلەسى سۇحبات وتكىزىلدى. ونىڭ بارىسىندا وعان ساياسات تۋرالى سۇراقتار قويىلدى.

NBC News بۇدان بۇرىن حارريستىڭ ۆيتسە-پرەزيدەنتى بولۋ ءۇشىن ءوز كانديداتۋرالارىن الىپ تاستاعان ەكى ساياساتكەر تۋرالى حابارلادى: ميچيگان گۋبەرناتورى گرەتحەن ۋيتمەر جانە سولتۇستىك كارولينا گۋبەرناتورى روي كۋپەر.

سەيسەنبى كۇنى ك. حارريس ءوزىنىڭ سەرىكتەسىن ءالى تاڭداماعانىن حابارلادى، ءبىراق شەشىم كەلەسى سەيسەنبىدە جاريالاناتىنىن مالىمدەدى. كەلەسى اپتاداعى تۋر ۆيسكونسين، ميچيگان، سولتۇستىك كارولينا، اريزونا، نيەۆادا جانە دجوردجياعا جاسالادى.

اۆتور

ەركەجان سماعۇلوۆا