ا ق ش-تا جارقاناتتار اراسىندا سۇلۋلىق بايقاۋى ءوتتى

ا ق ش-تا جەر رەسۋرستارىن باسقارۋ بيۋروسى ۇيىمداستىراتىن جارقاناتتار اراسىنداعى جىل سايىنعى سۇلۋلىق بايقاۋى اياقتالدى.

بيىلعى بايقاۋدىڭ جەڭىمپازى ورەگون شتاتىنان كەلگەن حريپلىي پوتتەر ەسىمدى جارقانات بولدى. فينالدا ول ايداحودان كەلگەن قاتىسۋشىنى جانە سەر-فلەپس-ا-لوت، روبەرت باتتينسون جانە بەتلور سۆيفت اتتى باسقا قارسىلاستارىن باسىپ وزدى. بايقاۋدىڭ جەڭىمپازىن بيۋرونىڭ الەۋمەتتىك جەلىدەگى قولدانۋشىلارى انىقتادى.

وتكەن جىلى بۇل تيتۋل وڭتۇستىك ورەگوننان كەلگەن تاۋنسەند تۇرىنە جاتاتىن ۋيليام شەكسپير ەسىمدى جارقاناتقا بۇيىرسا، 2022 -جىلى جەڭىس كانوندىق باربارا اتتى جارقاناتقا تيەسىلى بولدى.

فەدەرالدىق اگەنتتىك بۇل شارانى 2019 -جىلدان باستاپ وتكىزۋدە، جارقاناتتاردىڭ ەكولوگياداعى ماڭىزدى ءرولىن ناسيحاتتاۋدى ماقسات ەتكەن. جابايى تابيعاتتى قورعاۋ جونىندەگى تەحنيك ەمما بۋسك جارقاناتتاردىڭ قورشاعان ورتاعا ۇلەسى زور ەكەنىن ايتادى. ولار جاندىكتەرمەن قورەكتەنىپ، گۇلدەر مەن جەمىس اعاشتارىن توزاڭداندىرۋ ارقىلى ەكولوگيالىق جۇيەنى قولدايدى. الايدا جارقاناتتار مەكەن ەتەتىن ورتانىڭ قىسقارۋى، اۋرۋلاردىڭ تارالۋى جانە جارىقتىڭ لاستانۋى سالدارىنان قاۋىپكە ءجيى ۇشىراۋدا.

«جارقاناتتاردىڭ بار بولعانى %1 دان كەم بولىگى عانا قۇتىرما اۋرۋىنىڭ تاسىمالداۋشىسى بولىپ تابىلادى، ال ادامعا جۇقتىرۋ قاۋپى وتە تومەن»،  - دەدى بۋسك. ول بۇل بايقاۋ ارقىلى جارقاناتتارعا دەگەن قۇرمەت پەن سۇيىسپەنشىلىكتى ارتتىرۋدى ماقسات ەتەتىنىن اتاپ ءوتتى.