ا ق ش- تا فلوريدا شتاتىنىڭ تاريحىنداعى ەڭ ۇلكەن ەۆاكۋاتسيا باستالدى

استانا. KAZINFORM – ا ق ش- تىڭ فلوريدا شتاتىنىڭ گۋبەرناتورى رون دەسانتيس جاقىنداپ كەلە جاتقان «ميلتون» داۋىلىنا بايلانىستى شتات تۇرعىندارىن دەرەۋ ەۆاكۋاتسيالاۋعا شاقىردى. بۇل تۋرالى The New York Times گازەتى حابارلادى.

ا ق ش- تىڭ توتەنشە جاعدايلاردى باسقارۋ جونىندەگى فەدەرالدىق اگەنتتىگىنىڭ مالىمەتى بويىنشا، 5,5 ميلليوننان استام ادامعا مىندەتتى نەمەسە ۇسىنىلعان ەۆاكۋاتسيا تۋرالى حابارلامالار جىبەرىلگەن. بۇل فلوريدا تاريحىنداعى ەڭ ۇلكەن ەۆاكۋاتسيا.

- ەگەر كەتكىڭىز كەلسە، قازىر كەتىڭىز، - دەدى گۋبەرناتور باسپا ءسوز ءماسليحاتىندا.

ول سونداي-اق پرەزيدەنت دجو بايدەننىڭ شتات بيلىگى ۇسىنعان بارلىق شارالاردى قولدايتىنىن جانە سۋ تاسقىنىنىڭ سالدارىمەن كۇرەسۋگە ا ق ش ۇلتتىق گۆاردياسىنىڭ 8 مىڭعا جۋىق قىزمەتكەرى جۇمىلدىرىلاتىنىن حابارلادى.

«ميلتون» مەكسيكا شىعاناعىندا 2005-جىلدان بەرى بايقالعان ەڭ كۇشتى داۋىل ەكەنى اتاپ ءوتىلدى. بۇگىن، 9-قازاندا ول 3,3 ميلليوننان استام ادام تۇراتىن تامپا-بەيگە جەتەدى دەپ كۇتىلۋدە. سينوپتيكتەر داۋىلدىڭ قاي جەردە بولاتىنىن ءالى انىقتاعان جوق. كەشە، 8-قازاندا ميلتوندى ا ق ش- تىڭ ۇلتتىق داۋىل ورتالىعى (NHC) ونى 5-ساناتتاعى داۋىل دەپ راستادى.

NHC مالىمەتتەرى بويىنشا، تايفۋن ساعاتىنا 14,5 كيلومەتر جىلدامدىقپەن قوزعالادى جانە جەلدىڭ جىلدامدىعى ساعاتىنا 287 كيلومەترگە دەيىن جەتەدى. داۋىلدىڭ فلوريداعا جاقىنداۋىنا بايلانىستى 1500 دەن استام رەيس توقتاتىلدى. ميلتونعا ارنالعان ەسكەرتۋلەر شتاتتا 277 ادامنىڭ ءومىرىن قيعان «حەلەن» داۋىلىنان ءبىر اپتادان كەيىن كەلدى.

ايتا كەتەيىك، بۇعان دەيىن «ميلتون» داۋىلىنىڭ سالدارى اۋىر زارداپتارعا اكەلۋى مۇمكىن ەكەنىن جازعان بولاتىنبىز.