ا ق ش- تا فەدەرالدى تەرگەۋ باسقارماسىنىڭ بۇرىنعى باسشىسىنىڭ جازباسى بويىنشا تەكسەرۋ باستالدى
استانا. KAZINFORM - ا ق ش- تىڭ ىشكى قاۋىپسىزدىك مينيسترلىگى مەن قۇپيا قىزمەت فەدەرالدى تەرگەۋ باسقارماسىنىڭ بۇرىنعى باسشىسى دجەيمس كوميگە قاتىستى تەرگەۋدى باستادى.
NBC News- ءتىڭ حابارلاۋىنشا، تەرگەۋگە كوميدىڭ Instagram جەلىسىنە قالدىرعان جازباسى سەبەپ بولىپ وتىر. وندا قۇمعا جازىلعان «8647» دەگەن بەلگىنى كورۋگە بولادى.
ب ا ق وكىلدەرىنىڭ حابارلاۋىنشا، 86 دەگەن بەلگى بىرەۋدىڭ كوزىن جويۋ دەگەندى بىلدىرەدى. 47 دەگەن ا ق ش- تىڭ 47- پرەزيدەنتى دونالد ترامپتى دەگەن ماعىنا بەرۋى مۇمكىن.
بۇل بەلگىنىڭ كىسى ولتىرۋگە باعىتتالعانىن ىشكى قاۋىپسىزدىك ءمينيسترى كريستي نوەم- ءدى قوسا العاندا پرەزيدەنتتىڭ بىرنەشە جاقتاسى جازدى.
قۇپيا قىزمەت وكىلى «اگەنتتىك ءبىزدىڭ قورعاۋىمىزداعى ادامداردىڭ ومىرىنە قاۋىپ ءتوندىرىپ وتىر دەپ باعالانعان كەز-كەلگەن جايتتى مۇقيات تەرگەيدى» دەپ مالىمدەدى.
دجەيس كومي فەدەرالدى تەرگەۋ باسقارماسىن 2013-2017 -جىلدارى باسقاردى. ترامپ ونى ءوزىنىڭ ءبىرىنشى پرەزيدەنتىك مەرزىمىندە قىزمەتىنەن بوساتتى. وعان 2016 -جىلعى پرەزيدەنتتىك ناۋقان كەزىندە ترامپ وكىلدەرىنىڭ رەسەيمەن بولۋى مۇمكىن بايلانىستى انىقتاۋ باعىتىندا جۇرگىزگەن تەرگەۋ شارالارى سەبەپ بولعان.
كومي وزىنە قاراتا ايتىلعان سىننان سوڭ جازباسىن الىپ تاستادى. ول بۇل سيفرلاردى ەشقاشان دا زورلىق-زومبىلىقپەن بايلانىستىرماعانىن جانە ءوزىنىڭ كەز-كەلگەن كۇش كورسەتۋگە قارسى ەكەنىن جازدى.
وسىعان دەيىن ا ق ش- تا ەسىرتكىنىڭ ارتىق دوزاسىنان ءولىم '- عا تومەندەگەنى تۋرالى جازدىق.