داففيدىڭ ايتۋىنشا، اۋە قاتىناسىنداعى ىركىلىسكە كيبەرشابۋىل نەمەسە باسقا دا قاساقانا ارەكەت سەبەپ بولعانىنا دالەل جوق. الايدا اقاۋدىڭ ناقتى سەبەبى ازىرگە انىقتالماعان.
ا ق ش فەدەرالدىق اۆياتسيا باسقارماسى (FAA) جۇما كۇنى ەل اۋماعىندا ۇشاقتاردىڭ ۇشۋىنا ۋاقىتشا تىيىم سالعان. سونىڭ سالدارىنان رەيستەر بەس ساعاتقا جۋىق توقتادى. بۇل 2001 -جىلعى 11-قىركۇيەك تەراكتىلەرىنەن كەيىنگى ا ق ش اۋە قاتىناسىنداعى ەڭ ۇزاق جالپى ۇلتتىق ءۇزىلىس بولدى.
الدىن الا مالىمەت بويىنشا، اركانزاس شتاتىنداعى ەل-دورادو قالاسىنداعى FAA نىسانىندا جاڭا مارشرۋتيزاتور ورناتىلعاننان كەيىن اقاۋ تۋىنداعان. ول تەحاس شتاتىنداعى اماريللو قالاسىندا جاقىندا اۋىستىرىلعان قۇرىلعىنىڭ جۇمىسىنا اسەر ەتىپ، ەلدەگى باسقا اۋە قوزعالىسىن باسقارۋ ورتالىقتارىنىڭ مارشرۋتيزاتورلارىنا شامادان تىس جۇكتەمە تۇسىرگەن.
FAA اقاۋعا سەبەپ بولعان قۇرىلعىلاردىڭ جۇمىسىن توقتاتقانىن جانە وسىنداي 60-قا جۋىق مارشرۋتيزاتوردى جۇيەدەن اجىراتقانىن حابارلادى. دەگەنمەن تەحنيكالىق قىزمەت كورسەتۋ كەزىندە اقاۋدىڭ نەلىكتەن پايدا بولعانى ءالى بەلگىسىز.
داففي ا ق ش- تىڭ اۋە قوزعالىسىن باسقارۋ جۇيەسى ەسكىرگەن تەحنولوگيالار مەن جابدىقتارعا، بايلانىس پروبلەمالارىنا جانە ديسپەتچەرلەر تاپشىلىعىنا بايلانىستى قيىندىقتارعا تاپ بولىپ وتىرعانىن ايتتى. ونىڭ سوزىنشە، جۇيەنى جاڭعىرتۋعا 50 ميلليارد دوللار قاجەت.
ا ق ش پرەزيدەنتى دونالد ترامپ تا كونگرەستى اۋە قوزعالىسىن باسقارۋ جۇيەسىن جاڭارتۋعا قوسىمشا قارجى بولۋگە شاقىردى. الايدا دەموكرات كونگرەسسمەندەر وتكەن جىلى وسى ماقساتقا بولىنگەن 12,5 ميلليارد دوللاردىڭ شامامەن 11 ميلليارد دوللارى ءالى يگەرىلمەگەنىن العا تارتىپ، جاڭا قارجى سۇراۋدىڭ قاجەتتىگىنە كۇمان كەلتىردى.
سونىمەن قاتار اۆياتسيا سالاسىنىڭ ساراپشىلارى اۋە كولىگى ينفراقۇرىلىمىن جاڭارتۋ ءۇشىن مەملەكەتتىك ينۆەستيتسيامەن قاتار جەكە سەكتوردىڭ دا قارجىسى قاجەت ەكەنىن اتاپ ءوتتى.
ەسكە سالا كەتسەك، بۇعان دەيىن بۇكىل ا ق ش اۋماعىندا بايلانىس ءۇزىلىپ ۇشاقتار ۇشپاي قالعان ەدى.