ا ق ش سيرياعا قارسى سانكسيالاردى توقتاتپاق

استانا. KAZINFORM - ا ق ش پرەزيدەنتى دونالد ترامپ سيرياعا سالىنعان سانكسيالاردى الىپ تاستاۋ تۋرالى پرەزيدەنتتىك جارلىققا قول قويادى. بۇل تۋرالى اق ءۇي حابارلادى، دەپ جازادى انادولى.

اق ءۇيدىڭ باسپا ءسوز حاتشىسى كارولين ليۆيتت كۇندەلىكتى باسپا ءسوز كونفەرەنتسياسىندا مالىمدەمە جاسادى.

ليۆيتت ا ق ش- تىڭ سيرياعا قارسى سانكتسيالار باعدارلاماسىن توقتاتۋ تۋرالى جارلىققا ترامپ قول قوياتىنىن مالىمدەگەن.

- بۇل - ەلدىڭ تۇراقتىلىق پەن بەيبىتشىلىك جولىنا تۇسۋىنە قولداۋ كورسەتۋگە باعىتتالعان ارەكەت، - دەدى اق ءۇيدىڭ باسپا ءسوز حاتشىسى.

ترامپتىڭ جارلىعىنا قاتىستى پىكىر بىلدىرگەن ليۆيتت تەك سيرياعا قاتىستى سانكسيا الىناتىنىن ناقتىلادى.

- جارلىق سيرياعا قارسى سانكسيالاردى الىپ تاستايدى، ءبىراق ەلدىڭ بۇرىنعى پرەزيدەنتى باشار اساد، ونىڭ جاقتاستارى، ادام قۇقىقتارىن بۇزۋشىلار، ەسىرتكى ساۋداسىمەن اينالىساتىندار، حيميالىق قارۋ جاساۋعا قاتىسى بار تۇلعالار، دايش پەن ونىمەن بايلانىسى بار ۇيىمدار، سونداي-اق يراننىڭ پروكسي توپتارىنا قاتىستى سانكسيالار كۇشىندە قالادى، - دەدى ول.

سونداي-اق ول ترامپتىڭ تاياۋ شىعىسقا جاساعان ساپارى بارىسىندا سيريانىڭ جاڭا باسشىسىمەن كەزدەسىپ، سانكسيالاردى الىپ تاستاۋعا ۋادە بەرگەنىن ەسكە سالدى.

- پرەزيدەنت تۇراقتى، ءبىرتۇتاس جانە وزىمەن دە، كورشىلەرىمەن دە تاتۋ ءومىر سۇرەتىن سيريانى قولداۋعا بەيىلدى، - دەپ تۇيىندەدى اق ءۇي وكىلى.