ا ق ش سەناتى ترامپتىڭ سالىقتى ازايتۋ تۋرالى زاڭ جوباسىن ماقۇلدادى

استانا. KAZINFORM - داۋىستار تەڭ ءتۇستى - 50 دە 50. شەشۋشى داۋىستى ۆيتسە- پرەزيدەنت دجەي دي ۆەنس بەردى، دەپ حابارلايدى CNN.

سەيسەنبىدە سەنات رەسپۋبليكاشىلارى دونالد ترامپتىڭ سالىق پەن بيۋدجەتتى قىسقارتۋ تۋرالى زاڭ جوباسىن از عانا داۋىسپەن قابىلدادى.

ەندى زاڭ جوباسى پرەزيدەنت قول قويۋ ءۇشىن وكىلدەر پالاتاسىنان ءوتۋى كەرەك.

كونگرەستىڭ بيۋدجەتتىك كەڭسەسى زاڭ جوباسىنىڭ قۇنى 3,4 تريلليون دوللاردى قۇرايدى دەپ ەسەپتەيدى. وعان سالىقتى قىسقارتۋ جانە ۇلتتىق قاۋىپسىزدىكتى قارجىلاندىرۋدى ۇلعايتۋ، ءىشىنارا فەدەرالدى الەۋمەتتىك قامسىزداندىرۋعا ونجىلدىقتارداعى ەڭ ۇلكەن قىسقارتۋلار كىرەدى.

زاڭ جوباسى سەنبى كۇنى سەناتتا پروتسەدۋرالىق داۋىس بەرۋدەن ءوتتى. ترامپ «ۇلكەن زاڭ جوباسى» دەپ اتاعان قۇجات ءبىرقاتار سالادا ايتارلىقتاي سالىق پەن شىعىستاردى قىسقارتۋدى قامتيدى.