ا ق ش پرەزيدەنتىنىڭ ارنايى وكىلى ۆلاديمير پۋتينمەن كەزدەسەدى

استانا. KAZINFORM – ر ف پرەزيدەنتىنىڭ باسپا ءسوز حاتشىسى دميتري پەسكوۆ ستيۆەن ۋيتكوفف پەن ۆلاديمير پۋتين 11-ساۋىردە كەزدەسىپ، ۋكراينا ماسەلەسىن تالقىلايتىنىن حابارلادى، دەپ حابارلايدى Kazinform ءتىلشىسى.

بۇگىن سانكت-پەتەربۋرگتەگى Grand Hotel Europe قوناقۇيىندە امەريكالىق جوعارى لاۋازىمدى شەنەۋنىك رەسەي پرەزيدەنتىنىڭ شەت ەلدەرمەن ينۆەستيتسيالىق جانە ەكونوميكالىق ىنتىماقتاستىق جونىندەگى ارنايى وكىلى، رەسەي تىكەلەي ينۆەستيتسيالار قورىنىڭ (RDIF) باسشىسى كيريلل دميتريەۆپەن كەزدەسۋ وتكىزدى.

ايتا كەتەيىك، س. ۋيتكوفف بۇگىن سانكت-پەتەربۋرگكە كەلگەن بولاتىن.

بۇعان دەيىن 13-ناۋرىزدا ول ماسكەۋگە بارىپ، رەسەيدىڭ جوعارى لاۋازىمدى تۇلعالارىمەن، سونداي-اق پرەزيدەنت ۆ. پۋتينمەن كەزدەستى. رەسەي پرەزيدەنتىنىڭ باسپا ءسوز حاتشىسى د. پەسكوۆ س. ۋيتكوففتىڭ رەسەيلىك تاراپقا ۋكرايناعا قاتىستى قوسىمشا اقپارات بەرگەنىن، ال رەسەي پرەزيدەنتى ول ارقىلى امەريكالىق ارىپتەسىنە اقپارات پەن قوسىمشا سيگنالدار تاراتقانىن حابارلادى.