استانا. KAZINFORM - قازاقستان رەسپۋبليكاسىنىڭ ا ق ش-تاعى ەلشىسى ماعجان ءىلياسوۆ پرەزيدەنت دونالد ترامپقا سەنىم گراموتاسىن تاپسىرۋ راسىمىنەن كەيىن ەكەۋى از-كەم اڭگىمەلەستى. بۇل تۋرالى قازاقستان رەسپۋبليكاسى پرەزيدەنتىنىڭ كومەكشىسى - پرەزيدەنتتىڭ باسپا ءسوز حاتشىسى رۋسلان جەلدىباي جازدى.
- امەريكا باسشىسى بيىل قاراشا ايىندا قاسىم-جومارت توقايەۆپەن اق ۇيدەگى كەزدەسۋدەن العان اسەرىمەن ءبولىستى. قۇراما شتاتتار كوشباسشىسى قازاقستان پرەزيدەنتىنە جىلى لەبىزىن جولداپ، ونى قۇرمەتتەيتىنىن اتاپ ءوتتى. سونداي-اق قاسىم-جومارت توقايەۆتى «حالىقارالىق ۇدەرىستەردى تەرەڭ بىلەتىن ءارى جان-جاقتى تۇسىنەتىن تاجىريبەلى مەملەكەت قايراتكەرى، كەرەمەت ادام» دەپ سيپاتتادى. ا ق ش پرەزيدەنتى مەملەكەت باسشىسىنا سىي-سىياپات جولدادى. ولاردىڭ اراسىندا اق ءۇيدىڭ سيمۆوليكالىق كىلتى مەن ءوزىنىڭ قولتاڭباسى قويىلعان بەيسبولكا دا بار، - دەلىنگەن حابارلامادا.
Фото: Руслан Желдибай\telegramەسكە سالا كەتەيىك، پرەزيدەنت ا ق ش ساپارى اياسىندا 20 دان استام كەزدەسۋ وتكىزگەنىن جازعان ەدىك.
Фото: Руслан Желдібай\telegramФото: Руслан Желдібай\telegram
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.