ا ق ش پرەزيدەنتى دجو بايدەن كوروناۆيرۋسقا شالدىقتى - اق ءۇي

استانا. KAZINFORM - اق ءۇيدىڭ باسپا ءسوز حاتشىسى كارين جان-پەر سارسەنبى كۇنى بايدەننىڭ سىرقاتى جەڭىل تۇردە ءوتىپ جاتقانىن حابارلاعان بولاتىن.

ول بۇعان دەيىن پرەزيدەنتكە نەگىزگى ءارى دەنساۋلىعىن نىعايتاتىن ەكپە ەگىلدى دەپ سەندىرگەن ەدى. بۇل تۋرالى BBC جازدى.

81 جاستاعى بايدەن سارسەنبى كۇنى لاس-ۆەگاستە وتكەن سايلاۋ الدى شاراعا قاتىستى. جوسپار بويىنشا ول كەشكىلىك لاس- ۆەگاستە مىنبەردە ءسوز سويلەۋى ءتيىس ەدى، الايدا ەندى ءسوز سويلەمەيتىن بولدى.

جان- پەردىڭ سوزىنشە، پرەزيدەنت دەلاۆەر شتاتىنداعى ءوز ۇيىندە كارانتينگە جابىلىپ، وقشاۋلانعاندى ءجون كورگەن. دەسە دە ءوزىنىڭ لاۋازىمدىق مىندەتتەرىن اتقارا بەرمەكشى.

بايدەننىڭ دارىگەرى كيەۆين و’كوننور پرەسساعا پرەزيدەنتتە مۇرىن بىتەلۋ مەن جوتەل بار ەكەنىن ءارى ول Paxlovid پرەپاراتىن قابىلداپ جاتقانىن حابارلادى. ول باسىندا ءوزىن جاقسى سەزىنگەن، الايدا كەزەكتى ساراپتاما ناتيجەسى ونىڭ قايتادان كوروناۆيرۋس جۇقتىرىپ العانىن كورسەتكەن.

بايدەننىڭ لاس- ۆەگاسقا بارعان ساپارىن باق بەتتەرىندە جازعان تىلشىلەردىڭ سوزىنشە، ول ۇشاققا وتە باياۋ قارقىنمەن ءارى ساقتىق ساقتاپ كوتەرىلگەن.

ا ق ش- تاعى دەموكراتيالىق پارتيانىڭ جەتەكشى ساياساتكەرلەرى مەن اتالعان پارتيانىڭ جاقستاستارى دجو بايدەننەن پرەزيدەنتتىك سايلاۋدان باس تارتۋعا شاقىردى. ولاردىڭ پىكىرىنشە 81 جاستاعى ساياسات ارداگەرىنىڭ كۇشى دونالد ترامپپەن تەكە- تىرەسۋگە جەتپەيتىنىن، ءتىپتى جەتكەن جاعدايدا تاعى دا ءتورت جىل ەل باسقارۋعا ءالى كەلمەيتىنىن مەڭزەدى.

الايدا، بايدەن قاراشادا بولاتىن سايلاۋعا قاتىسۋدان باس تارتقىسى جوق.