قىزىل تەڭىزدەگى كەمەلەردى كۇزەتۋ جانە حۋسيتتەردىڭ شابۋىلىنان قورعانۋ ءۇشىن ا ق ش جەدەل اسكەري- تەڭىز توبىن قۇرۋدى جوسپارلاپ وتىر. Kazinform بۇل تۋرالى The New York Times-قا سىلتەمە جاساپ حابارلايدى.
امەريكا پرەزيدەنتى دجو بايدەننىڭ ۇلتتىق قاۋىپسىزدىك ماسەلەلەرى بويىنشا كەڭەسشىسى دجەيك سالليۆاننىڭ سوزىنشە، وسى ارقىلى حۋسيتتەردىڭ يزرايلدىك كەمەلەرگە شابۋىلىنىڭ الدىن الۋعا بولادى.
- ءبىز كەمەلەر قىزىل تەڭىزدە قاۋىپسىز ءجۇزۋى ءۇشىن تەڭىزدەگى جەدەل توپ قۇرۋ تۋرالى باسقا ەلدەرمەن كەلىسسوز جۇرگىزىپ جاتىرمىز، - دەپ ءتۇسىندىردى سالليۆان.
جەكسەنبى كۇنى ادەن شىعاناعىندا فوسفور قىشقىلىن تاسىمالداپ بارا جاتقان Central Park تانكەرىن حۋسيتتەر باسىپ الدى.
ا ق ش ا ت ك اسكەري كەمەسى كوممەرتسيالىق تانكەردىڭ اپاتتىق بەلگىسىن دەرەۋ قابىلداپ، كەمەنى بوساتتى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.