ا ق ش قىتايدان كەلەتىن شاعىن سالەمدەمەلەرگە سالىق سالدى
20:11, 05 - مامىر 2025
استانا. قازاقپارات - ا ق ش قىتايدان كەلەتىن شاعىن سالەمدەمەلەرگە باج سالىعىن سالدى. بۇرىن باعاسى 800 دوللارعا دەيىنگى مۇنداي جۇكتەر تاريفتەن بوساتىلاتىن. بۇل كەدەن قىزمەتكەرلەرىنىڭ جۇمىسىن جەڭىلدەتۋ ءۇشىن جاسالعان.
ونى نەگىزىنەن قاراپايىم تۇرعىندار پايدالانادى. ولار ادەتتە قىتايدان كيىم-كەشەككە تاپسىرىس بەرەدى. 2023 -جىلى كەدەن قىزمەتى ارقىلى ميللياردقا جۋىق وسىنداي سالەمدەمە وتكەن. ءبىراق دونالد ترامپتىڭ ايتۋىنشا، بۇل جۇكتەردىڭ ىشىندە ا ق ش- قا ەسىرتكى اكەلىنۋى مۇمكىن. باج سالىعىن سول ءۇشىن سالىپ وتىرمىز دەيدى. كەيبىر ساراپشىلار شەشىمنىڭ ءتيىمسىز ەكەنىن ايتادى. ويتكەنى قازىر كەدەن قىزمەتىنىڭ جۇمىسى ونسىز دا قاۋىرت. سوندىقتان سالەمدەمەلەردى راسىمدەۋ شىعىندارى باج سالىعىنان تۇسەتىن پايدادان اسىپ كەتۋى مۇمكىن.