جۇما كۇنى ا ق ش مەملەكەتتىك حاتشىسى ەنتوني بلينكەن كەلگەننەن كەيىن يزرايلگە ا ق ش-تىڭ قورعانىس ءمينيسترى للويد وستين دە بارماق. بۇل تۋرالى Kazinform BBC اگەنتتىگىنە سىلتەمە جاساپ حابارلايدى.
بۇل اقپاراتتى ا ق ش قورعانىس مينيسترلىگىنىڭ وكىلى ءانونيمدى تۇردە جەتكىزگەن. ياعني مينيستر يزرايل پرەمەرى بينيامين نەتانياحۋمەن جانە جاقىندا عانا قۇرىلعان ۇلتتىق بىرلىك ۇكىمەتىنىڭ مۇشەلەرىمەن كەزدەسىپ، سوعىس جوسپارى مەن ولاردىڭ كوزدەگەن ماقساتىن تالقىلاماق.
وسى اپتادا ناتو ەلدەرى مينيسترلەرىمەن كەزدەسۋدەن سوڭ للويد وستين ۆاشينگتوننىڭ حاماس-پەن كۇرەس ءۇشىن بەرگەن قارۋلاردى قولدانۋدا ءيزرايلدىڭ مۇمكىندىكتەرىن شەكتەمەيتىنىن جەتكىزدى.
ا ق ش يزرايلگە وق-دارىلەر، ناقتىراق ايتقاندا، «تەمىر كۇمبەز» اۋە قورعانىس جۇيەسىنە قاجەتتى زىمىراندار جىبەردى. ا ق ش جىبەرگەن وق-دارىلەر تيەلگەن ۇشاق يزرايلگە ەكى كۇن بۇرىن كەلگەن.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан