ا ق ش قازاقستاندىق ستۋدەنتتەردىڭ ۆيزاسىن جويىپ جاتىر ما - س ءى م جاۋابى

استانا. KAZINFORM - سىرتقى ىستەر مينيسترلىگى ا ق ش- تا قازاقستاندىق ستۋدەنتتەردىڭ ۆيزاسىنىڭ كۇشىن جويۋ جاعدايىنا قاتىستى اقپاراتقا تۇسىنىكتەمە بەردى.

- ۆاشينگتونداعى ەلشىلىكپەن بايلانىستامىز، الايدا بىزگە ۆيزانى جويىپ جاتىر دەگەن اقپارات كەلىپ تۇسكەن جوق. بۇل اقپاراتتى ءبىز دە سىزدەر سياقتى اشىق دەرەككوزدەردەن، ب ا ق ارقىلى ءبىلىپ وتىرمىز. ءبىزدىڭ بىلۋىمىزشە، ۆيزانى جويۋ، ەلدەن شىعارعان جاعدايلار بولعان، اسىرەسە پالەستينالىق قوزعالىستارعا قاتىساتىنداردى شىعارعان، - دەدى سىرتقى ىستەر ءمينيسترىنىڭ ورىنباسارى اقان راحمەتۋللين سەنات قابىرعاسىندا وتكەن باسپا ءسوز ءماسليحاتىندا.

ونىڭ ايتۋىنشا، قازىر اتالعان ماسەلە قايتا قارالىپ جاتىر.

- شەشىم وتە تەز قابىلدانادى، كەيىن بارىپ ناقتى زەرتتەۋ جۇرگىزىلىپ، باسقا شارالار قابىلدانا باستايدى. مەنىڭ ويىمشا، الاڭداۋعا نەگىز جوق. ءبىلىم بەرۋ جۇيەسى بارلىق جەردە ۇقساس. ستۋدەنتتەرگە تەك وزدەرىنىڭ رەكتورلارىنا، دەكاناتتارىنا جانە شەتەلدىك ستۋدەنتتەرمەن جۇمىس ىستەيتىن بولىمدەرگە جۇگىنىپ، وقۋىن جالعاستىرۋ قاجەت. ەگەر ولار زاڭدى نەگىزدە سوندا وقىپ جاتسا، زاڭدى تۇردە تۇسكەن بولسا، ستۋدەنتتىك ۆيزالارى بولسا، ەشتەڭەدەن قورقۋدىڭ قاجەتى جوق، - دەپ تولىقتىردى ءمينيستردىڭ ورىنباسارى.

ايتا كەتەيىك، ا ق ش- تان ءوز ەركىمەن قايتاتىن قازاقستاندىقتار 1000 ا ق ش دوللارىن الادى.