ونىڭ ايتۋىنشا، بۇل شاعىن كەمە ۆەنەسۋەلاعا تيەسىلى بولعان جانە ا ق ش-قا ەسىرتكى تاسىمالداپ بارا جاتقان.
دونالد ترامپتىڭ ايتۋىنشا، سوققى سالدارىنان ءۇش ادام قازا تاپقان. ا ق ش پرەزيدەنتى ءوزىنىڭ Truth Social الەۋمەتتىك جەلىسىندە شاعىن كەمەنىڭ اۋەدەن تۇسىرىلگەن ۆيدەوسىن جاريالادى. ۆيدەودا كەمەنىڭ جارىلىپ كەتكەنى كورسەتىلگەن.
- بۇگىن تاڭەرتەڭ مەنىڭ بۇيرىعىممەن ا ق ش قارۋلى كۇشتەرى اسا قاۋىپتى ەسىرتكى كارتەلدەرى مەن ەسىرتكى لاڭكەستەرىنە قارسى ەكىنشى كينەتيكالىق سوققى جاسادى، - دەلىنگەن حابارلامادا.
الايدا ترامپ بۇل كەمەدە ناقتى ەسىرتكى بولعانىنا دالەل كەلتىرمەگەن.
بۇل مالىمدەمەدەن بۇرىن ۆەنەسۋەلا پرەزيدەنتى نيكولاس مادۋرو ا ق ش اگرەسسياسىنان قورعاناتىندارىن ايتىپ، ا ق ش مەملەكەتتىك حاتشىسى ماركو رۋبيونى «ءولىم مەن سوعىستىڭ ءامىرشىسى» دەپ اتاعان.
وسىعان دەيىن قىركۇيەك ايىنىڭ باسىندا ا ق ش ۆەنەسۋەلا ماڭىندا ەسىرتكى تيەگەن كەمەگە وق اتقانىن جازعانبىز.